A Soberanía Alimentaria, garantía de futuro

Menú Principal

Menú de Destacados

  1. Portada

Novas

  1. O SLG pídelle á Xunta unha alianza coas comunidades da Cornixa Cantábrica para derrogar o decreto de xurros

    Inxector de xurro 21 de Febreiro do 2018 · 

    O decreto que prohibirá dentro dun ano o esparexemento de xurros para abonar prados é unha obriga inxusta e arbitraria que lle pasará unha factura millonaria ao sector lácteo e que, polo tanto, terá un fortísimo impacto económico na Galiza, onde temos a metade das granxas leiteiras do Estado e o 38% da produción. Quen non o cumpra, terá penalizacións nas axudas da Política Agraria Común (PAC), indispensables para a economía de miles de familias labregas.

  2. A mina de Touro e O Pino ameaza o medio de vida de máis de 200 granxas cunha cabana gandeira de 5.000 reses

    Mina Non 17 de Febreiro do 2018 · 

    O proxecto de extracción de cobre que pretende levar a cabo Atalaya Mining nos concellos de Touro e O Pino supón unha grave ameaza medioambiental para a zona que, como xa temos analizado anteriormente, terá un forte impacto contaminante nos recursos hídricos de ambos concellos (ver bit.ly/MinaSanRafael)

  3. A Dirección do Leite do SLG denuncia a parálise da Xunta diante dos baixos prezos e o decreto de xurros

    What is my future 7 de Febreiro do 2018 · 

    Tras reunirse, a Dirección do Leite do Sindicato Labrego Galego vén de expresar a súa fonda preocupación polos últimos datos sobre o sector publicados polo Fondo Español de Garantía Agraria (FEGA), correspondentes a decembro de 2017, que reflicten o estancamento duns prezos que, na Galiza, seguen a ser os peores do Estado xunto cos de Baleares (32'2 céntimos por litro, 1 céntimo menos que a media estatal) e continúan a estar moi por baixo da media europea (37'76 céntimos).

  4. A Secretaría das Mulleres do SLG apoia a convocatoria de folga feminista de 24 horas para o 8 de marzo

    Folga Feminista 7 de Febreiro do 2018 · 

    O pasado martes, 6 de febreiro, as secretarías das mulleres da CUT e do Sindicato Labrego (SLG), xunto o Sindicato Ferroviario Intersindical (SF), e co total apoio do Sindicato da Elevación (SE) de Galicia, rexistramos en conxunto o preaviso de folga laboral de 24 horas de duración convocada para o vindeiro 8 de marzo en Galiza. Estes preavisos foron entregados na Consellería de Traballo e na Confederación de Empresarios de Galicia.

  5. O SLG pide ao Concello de Pol as máximas bonificacións no IBI para as vivendas do rural e as granxas

    Catastrazo Pol 31 de Xaneiro do 2018 · 

    O Sindicato Labrego Galego convocou para mañá, 1 de febreiro, dúas asembleas en Pol para informar á veciñanza sobre as consecuencias do proceso de revisión catastral que viviu o municipio no período que foi do 23 de decembro de 2014 ao 30 de marzo de 2016. As asembleas terán lugar no centro socio-cultural de Mosteiro, a primeira ás 12:00 e a segunda ás 21:00 horas.

  6. A adega da Rioxa Ramón Bilbao acapara o 21% das axudas á reestruturación e reconversión do viñedo en Galiza

    Mar de Frades - Ramón Bilbao 19 de Xaneiro do 2018 · 

    A Consellaría de Medio Rural publicou, o pasado 9 de xaneiro, a listaxe de persoas e empresas beneficiarias das axudas aos plans de reestruturación e reconversión da viña en Galicia de 2017. Dos 726.400 euros que se repartiron entre os 62 plans aprobados, unha adega da Rioxa, Ramón Bilbao, beneficiada con 156.706 euros, quedou co 21% do orzamento.

  7. O Sindicato Labrego Galego insta á Consellaría de Medio Rural a actuar diante da inminente caída do prezo do leite

    Lactalis 16 de Xaneiro do 2018 · 

    Nas conversas entre transportistas e os gandeiros e gandeiras que producen leite na Galiza, xa se está a estender o rumor de que nesta primavera volverán caer os prezos do leite. Trátase dunha práctica que vén de vello na que os choferes dos camións cisterna das industrias van afacendo a produtores e produtoras á idea de que a caída do valor do leite é algo inevitable que acontecerá si ou si.

  1. Februa

    O Sindicato Labrego organiza en Arzúa unha Xornada de saberes ao redor da sabedoría ancestral das labregas

    30 de Xaneiro do 2018 · 

    O Sindicato Labrego Galego organiza este 1 de febreiro, no local social de Pantiñobre (Arzúa), unha Xornada de saberes dirixida a mulleres. Nela, as participantes realizarán ao longo de todo o día un intercambio de coñecementos sobre os saberes ancestrais das mulleres labregas.

  2. Xuntanza SLG Belén Do Campo

    O SLG denuncia ante Medio Rural os abusos de Facenda nas axudas de incorporación e na transmisión de granxas

    12 de Xaneiro do 2018 · 

    O Sindicato Labrego Galego mantivo, o 11 de xaneiro, un encontro de traballo coa directora xeral de Gandaría, Agricultura e Industrias Agroalimentarias da Xunta, Belén do Campo, no que se denunciaron as prácticas abusivas da Axencia Tributaria ao gravar as axudas de incorporación de xente moza á actividade agraria ou o traspaso de granxas entre familiares. Por parte da organización agraria asistiron ao encontro Conchi Docampo e María Ferreiro, ambas integrantes da Executiva do SLG.

  3. Catastrazo

    O SLG detecta erros masivos na revisión catastral de Vilalba que afectan 1.200 expedientes de granxas no municipio

    11 de Xaneiro do 2018 · 

    En días pasados, o Concello de Vilalba anunciaba a aprobación de bonificacións na aplicación do Imposto de Bens Inmobles (IBI) coa intención de minguar o forte impacto económico que a revisión catastral realizada neste municipio ía ter nas economías familiares, especialmente no rural e nas propiedades das granxas. Porén, esta boa nova verase ensombrecida polos erros masivos que se cometeron na Regularización catastral.

  4. Vacas frisoas

    Medio Rural e Agricultura substitúen a política leiteira por propaganda para maquillar os peores prezos da UE

    9 de Xaneiro do 2018 · 

    Nun alarde de optimismo, a Consellaría de Medio Rural comezaba o ano 2018 publicando un comunicado no que se xactaba de que Galiza era “a comunidade española na que máis medrou o prezo dende novembro de 2015”, enfeitando a aseveración cunha morea de cifras e mesmo atrevéndose a sacar peito na cuestión dos valores lácteos ao dicir que nese aumento quedamos por riba de comunidades veciñas Asturias ou Cantabria.

  5. IBI

    O Concello de Muras aproba a redución do IBI ás granxas pero concede só tres días de prazo para solicitala

    27 de Decembro do 2017 · 

    O Sindicato Labrego Galego quere avisar a toda a veciñanza do rural de Muras que o concello vén de abrir o prazo de solicitude para pedir a redución do Imposto de Bens Inmobles (IBI) ás granxas. Isto acontece despois de que, a finais de 2016, o pleno aprobase inicialmente a ordenanza que o permite; e esta fose aprobada definitivamente e publicada no BOP de Lugo onte, 26 de decembro. Dado que a aplicación da redución do IBI comezaría a ser efectiva dende o 1 de xaneiro de 2018, as persoas que queiran solicitar esta bonificación terán que facelo nos tres días hábiles que lle quedan ao ano 2017: 27, 28 e 29 de decembro. Cando leas isto, só quedarán dous días.

Outras Novas

  1. 22-12-2017 · Fouce 317: Repasamos o que deu de si o último trimestre do ano 2017 para a agricultura e o rural galegos
  2. 21-12-2017 · O PP rexeita o plan de choque contra a Velutina e seguirá coas medidas que permitiron a invasión do 70% da Galiza
  3. 21-12-2017 · A telematización dos procedementos administrativos discrimina a cidadanía do rural en Galiza
  4. 21-12-2017 · II Foro de Agroecoloxía: Compra pública de alimentos ou o que se podería facer con 3.000 millóns de euros
  5. 20-12-2017 · Plan Forestal de Galicia: a Consellaría de Medio Rural comeza a casa polo tellado...