A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Pequenas explotacións>
  4. Máis de oitenta organizacións reclaman a reapertura dos mercados alimentarios de proximidade na Galiza

Máis de oitenta organizacións reclaman a reapertura dos mercados alimentarios de proximidade na Galiza

27 de Marzo do 2020

Mercado de proximidade

Máis de oitenta organizacións galegas de diversos ámbitos, entre as que se atopa o Sindicato Labrego Galego, veñen de facer público un manifesto no que piden a reapertura dos mercados alimentarios de proximidade como garantes da seguridade alimentaria de Galiza no contexto actual de estado de alarma e emerxencia sanitaria pola pandemia do Covid-19.

Ademais do SLG, entre os colectivos asinantes podemos atopar unha ampla representación da sociedade galega a través doutros sindicatos agrarios como Fruga ou obreiros como a CIG; organizacións ecoloxistas como Adega, Amig@s da Terra, Greenpeace ou o MEL; unha de decena de entidades investigadoras vinculadas ás universidades de Santiago de Compostela e Vigo; varios centros sociais; ou diversas agrupacións de consumo, labregas, profesionais, etc.

No manifesto reclamamos á Consellaría de Medio Rural, en colaboración cos concellos, todos os esforzos posibles para que a partir do 31 de marzo, data ata a que a Xunta prohibiu a celebración de mercados alimentarios de proximidade, volva autorizalos “preocupándose de que dispoñan dos medios materiais e humanos necesarios para organizar e aplicar correctamente todos os protocolos de seguridade a que obriga a orde do 23 de marzo de 2020 sobre a venda directa de produtos agrogandeiros nos mercados”.

De seguido, compartimos con vós o texto íntegro do manifesto e unha listaxe das entidades que asinan que, de seguro, irá medrando nos vindeiros días ao estar aberta á suma de novos apoios a través do seguinte formulario: bit.ly/ManifestoMercadosCOVID

EN DEFENSA DOS MERCADOS DE ALIMENTOS DE PROXIMIDADECOMO GARANTES DA SEGURIDADE ALIMENTARIA NO ESTADO DE ALARMA

Nós, os labregos e labregas que damos vida aos mercados de proximidade na Galiza, diante da prohibición de poder exercer a nosa función como fornecedores de alimentos para a sociedade por mor das restricións impostas para enfrontar a pandemia do Covid-19, queremos manifestar:

  • A nosa consternación ao ver como se nos discrimina, unha vez máis, en favor das grandes superficies comerciais, á hora de garantir o acceso en tempo de crise a un ben esencial como a alimentación.

  • A nosa perplexidade, cando constatamos a diferenza de criterios entre administracións, con comunidades autónomas que autorizan expresamente os mercados de proximidade e outras, como a galega, que os prohiben; con concellos que regulan esta venda directa en tempo de crise e outros que a clausuran sen máis.

  • O noso convencemento de que os nosos alimentos e os nosos mercados, aplicando as normas establecidas polas autoridades sanitarias para evitar a transmisión do Covid-19 e o agravamento da pandemia, son máis seguros nas actuais circunstancias por celebrarse ao aire libre ou en espazos amplos como prazas de abastos, por non haber intermediarios entre a produción e o consumo final, por non xerar aglomeracións humanas, e por termos, porque así nolo esixe a normativa, unha mellor e máis completa formación en cuestións hixiénico-sanitarias que a maioría do persoal que traballa en grandes superficies comerciais. Ademais os mercados alimentarios de proximidade teñen unha maior capacidade de garantir o subministro de alimentos frescos ao non depender de estruturas centralizadas e vulnerables. Pensamos que obstaculizar a produción alimentaria local e a súa comercialización nunha crise como a que estamos a vivir é un crime e un suicidio.

  • A nosa indefensión porque, sendo sector primario, se nos priva de exercer a nosa principal actividade económica sen ningún tipo de compensación ou alternativa que mitigue o grave deterioro financeiro que sufriremos nas vindeiras semanas. Nese sentido, botamos de menos medidas que se poderían impulsar dende as administracións, como a compra pública de alimentos para que os servizos sociais os inclúan na distribución de cestas de alimentos ás familias que os precisen, ou mesmo incorporar os nosos medios e experiencia no reparto domiciliario de cestas de produtos.

  • A nosa impotencia porque a maior parte dos alimentos que producimos son frescos e sans e, polo tanto, neles non empregamos conservantes químicos ou refrixeración para atrasar o seu deterioro, como si fará a agricultura industrial para poder vendelos cando se levanten as restricións.

Por todo iso, pedímoslle á Consellaría de Medio Rural, en colaboración cos concellos, que faga todos os esforzos necesarios para que, a partir do 31 de marzo, volva autorizar os mercados de alimentos de proximidade, preocupándose de que dispoñan dos medios materiais e humanos necesarios para organizar e aplicar correctamente todos os protocolos de seguridade a que obriga a orde do 23 de marzo de 2020 sobre a venda directa de produtos agrogandeiros nos mercados.

Apoian este manifesto:

  1. A Eira do Colexio de Educadores e Educadores Sociais de Galicia (CEESG)
  2. A Horta de Ana
  3. A Terra Non Se Vende
  4. Amarelante SCG
  5. Amig@s da Terra
  6. Asociación Ambiental Senda Nova
  7. Asociación AVOAR
  8. Asociación Espazo Agroecolóxico A Estruga - Cabreiros, Xermade
  9. Asociación Abeiro pola Protección Animal
  10. Asociación Agroecolóxica Galega A Cortiña
  11. Asociación Cultural Roi Vicente
  12. Asociación Cultural Tanque de Zinc
  13. Asociación de empregadas de fogar XIARA
  14. Asociación de Produtoras de Horta de Ribadeo A Sucadoira
  15. Asociación do Mercado de Alimento Labrego de Teo
  16. Asociación Galega de Apicultura (AGA)
  17. Asociación Larlilás
  18. Asociación Lentura
  19. Asociación Mercado da Terra (Lugo)
  20. Asociación Millo Miúdo (Oleiros)
  21. Asociación O Xaramelo (Meis)
  22. Asociación para a Defensa Ecolóxica de Galiza (ADEGA)
  23. Asociación Pola Defensa da Ría (APDR)
  24. Asociación Protectora de Animais Os Biosbardos
  25. Asociación Raíces do Lusco
  26. Asociación Vacaloura Santuario Animal
  27. Asociación Víctimas de la Justicia
  28. Asociación Xaruma
  29. Asociación 4ponlas (Pontevedra)
  30. CDR Portas Abertas
  31. Centro Social A Gentalha do Pichel (Compostela)
  32. Centro Social Madia Leva (Lugo)
  33. Centro Social O Fuscalho (A Guarda)
  34. Centro social O Quilombo (Pontevedra)
  35. Confederación Intersindical Galega (CIG)
  36. Colectivo Feminista das Pontes
  37. Cooperativa Tres Cadires
  38. CultRural Santiago
  39. DAQUIDARREDOR
  40. DEÍXATE LEVAR
  41. Ecoloxistas en Acción de Galiza
  42. Enxeñería sen FronteirasEsCuA
  43. Federación Rural Galega (Fruga)
  44. Feitoria Verde S. Coop. Galega
  45. Fundação Montescola
  46. Fundación Galicia Verde
  47. Granxas de Lousada sc
  48. Greenpeace
  49. Grupo de Consumo Agrelar (Allariz)
  50. Grupo de Consumo Semente (Ourense)
  51. Grupo de Consumo Xurumelxs (Ourense)
  52. Grupo de investigación de Bioeconomía (Economía dos Recursos Naturais e do Medio Ambiente) da USC
  53. Grupo de investigación en agronomía AGRONOMÍA (USC)
  54. Grupo de Investigación en Construción Sustentable para o Medio Rural e Natural COSMERUN (USC)
  55. Grupo de Investigación en Economía Agroalimentaria e Medioambiental, Desenvolvemento Rural e Economía Social ECOAGRASOC (USC)
  56. Grupo de Investigación Galabra en Estudos Culturais GALABRA (USC)
  57. Grupo de Estudios de Historia Empresarial e Sectorial. Pesca, Industria e Comercio GESPIC (USC)
  58. Grupo de Historia Agraria e Política do Mundo Rural. Séculos XIX e XX HISTAGRA (USC)
  59. Grupo de Investigación da Agricultura Ecolóxica, Agroecoloxía e Historia da Universidade de Vigo
  60. Grupo de Investigación en Pedagoxía Social e Educación Ambiental SEPA-Interea
  61. Horta Casa Barral
  62. Horta de sempre
  63. Labrecos
  64. Laboratorio do Territorio LABORATE (USC)
  65. Lareira da Alén, clube gastronómico
  66. MAISDETRES
  67. Marcha Mundial das Mulleres Galiza
  68. Movemento Ecoloxista da Limia (MEL)
  69. Movemento Veciñal Estradense - Móvete -
  70. Nais polo Clima
  71. Non é o Mesmo (Compostela)
  72. Nós, galeguistas
  73. Organización Galega de Comunidades de Comunidades de Montes (ORGACCMM)
  74. Peripeciencia
  75. Plataforma Auga Limpa Xa!
  76. Plataforma Casalonga Limpa de Resíduos
  77. Proxecto Resclima
  78. Rede de Consumo O Careón (Melide)
  79. Rede de Colectivos A RÍA NON SE VENDE
  80. Rede para o Decrecemento Eo-Navia Galiza o Bierzo
  81. Rede Revolta de Agroecoloxía e Historia
  82. Salvemos Catasós
  83. Salvemos Monteferro
  84. Sindicato Labrego Galego (SLG)
  85. Sociedade Histórica e Cultural Coluna Sanfins
  86. SPG A Gavela
  87. Sustinea
  88. Verdegaia
  89. Véspera de Nada