Outras: 2014
-
Impulsores xenéticos: Os organismos xeneticamente modificados que poden rematar coa biodiversidade na Terra
30 de Xullo do 2019 ·
Nesta terceira entrega sobre os organismos xeneticamente modificados (OXMs) imos falar dos coñecidos como "impulsores xenéticos". A que nos referimos cando falamos de impulsores xenéticos? Trátase dunha nova técnica de enxeñería xenética que se usa para forzar a transmisión ás seguintes xeracións dun ou varios xenes en especies vexetais como animais.
-
Fouce 326: Radiografía da especulación, acaparamento e concentración empresarial no sector vitivinícola galego
24 de Xullo do 2019 ·
O #Fouce236 xa vai camiño das casas. Neste número destaca unha reportaxe de investigación de cinco páxinas na que debullamos a especulación no mundo do viño, a concentración das axudas públicas nunhas poucas familias e adegas e o desembarco de grandes capitais que, paseniño, van acaparando os nosos viñedos. A maiores, tamén atoparás temas como os impagos de Tesgestacín (Logística Alimentaria), o obradoiro europeo no que analizamos a normativa hixiénico-sanitaria en alimentación, o perigo de perda das axudas agroambientais, as demandas da plataforma “Por un monte galego vivo”, a crónica das últimas Xornadas de Granxas Abertas, a crítica ao escaso labor do Consello Galego das Mulleres e moitas outras cuestións de actualidade. E, por certo, xa hai data posta para o III Festival Son Labreg@.Queres saber cando será? Descarga o Fouce na icona que atoparás no final desta páxina!
-
29N/Marchas da Dignidade: Polo teito, o traballo e o dereito a producir o pan das galegas e dos galegos
30 de Novembro do 2014 ·As Marchas da Dignidade volvemos mobilizar unha parte importante da sociedade galega, a daquelas cidadás e aqueles cidadáns que nos estamos a rebelar contra a versión máis inhumana e salvaxe do neoliberalismo coa que nos tentan xunguir dende diversas administracións e gobernos. Todo en nome dunha terxiversada e asasina austeridade coa que non estamos dispostos e dispostas a comungar.
-
29N: O SLG convoca aos labregos e labregas de Galiza para ocupar o Obradoiro en demanda de traballo, teito e o dereito a producirmos o pan dos galegos e das galegas
27 de Novembro do 2014 ·O Sindicato Labrego Galego apoiará a ocupación da praza do Obradoiro este sábado, 29 de novembro, por parte das Marchas da Dignidade, movemento cívico do que formamos parte; e convoca aos labregos e ás labregas de Galiza a apoiar esta mobilización contra as políticas neoliberais e de recortes dos gobernos que nos afectan a todos e a todas.
-
Alianzas por un mundo rural vivo na portada do Fouce 304
21 de Novembro do 2014 ·O Fouce 304 correspondente aos meses de setembro e outubro está a piques de chegar ás casas. Desta vez, destacamos en portada tres eventos que tiveron como escenario de celebración a nosa Galiza e serviron para reforzar as nosas alianzas: o Seminario de Agroecoloxía feito con compañeiros e compañeiras de toda Europa para analizar novos xeitos de achegar os alimentos á cidadanía, o IX Foro por un Mundo Rural Vivo e o II Encontro sobre os Impactos da Minaría na Galiza.
-
A actualidade do agro e do medio rural no Fouce 303!
1 de Outubro do 2014 ·Xa podedes descargar o Fouce 303 dende a web do Sindicato Labrego Galego. Neste número atoparedes interesantes reportaxes sobre o impacto do veto ruso en Galiza, a avespa velutina ou o asedio do exército israelí á agricultura palestina; a actualidade da loita contra a minaría salvaxe ou de sectores produtivos como o da horta, a pataca, o viño ou o leite; a análise do Plan de Desenvolvemento Rural 2014-2020; ou entrevistas a Sofía Carballido Mugico,unha moza labrega que deixou a oficina pola terra, ou a David Vásconez Pueyo, vocal do consello reitor da Cooperativa de Consumo Árbore e unha das persoas implicadas en impulsar o que podería ser o primeiro sistema participativo de garantía no noso país. Iso e moito máis nas páxinas do Fouce!
-
O SLG celebra un seminario europeo para fomentar os circuítos curtos de comercialización dos produtos labregos
25 de Septembro do 2014 ·O Sindicato Labrego Galego celebrará, do 26 ao 29 de setembro, un seminario europeo para analizar de que xeito se poden facer máis accesibles os alimentos que producen os labregos e labregas á cidadanía.
-
O SLG denuncia diante da Educación os prexuízos por mor do atraso nas autorizacións do transporte escolar en Lugo
22 de Septembro do 2014 ·O Sindicato Labrego Galego rexistrou, o 19 de setembro, un escrito diante da delegación territorial en Lugo da Consellaría de Educación no que denunciaba a demora na concesión de autorizacións de transporte escolar para o alumnado de BAC que viaxa cos rapaces e rapazas da ESO, e os graves prexuízos que isto está a causar a moitas familias.
-
O SLG de Ordes celebra este venres a décima edición da Romaría por un mundo rural vivo
10 de Septembro do 2014 ·O Sindicato Labrego Galego da comarca de Ordes celebrará este venres, 12 de setembro, a súa décima edición da Romaría por un mundo rural vivo. Nesta ocasión, o lugar de celebración será a antiga estación ferroviaria da Pontraga, en Tordoia (está na estrada que une Ordes con Trazo, a CP-5903. Para chegarmos á estación, temos que saír da capital comarcal por esta vía, e virar á esquerda a 4,5 quilómetros, tras pasar o Bar Che, collendo a estrada DP-5901).
-
O Sindicato Labrego Galego apoia as demandas da Plataforma en Defensa do Partido Xudicial de Xinzo
15 de Xullo do 2014 ·O Sindicato Labrego Galego apoia as demandas da Plataforma en Defensa do Partido Xudicial de Xinzo e as de tódolos movementos reivindicativos que están a xurdir na provincia de Ourense e no resto da Galiza para defender os xulgados que prevé suprimir a Lei Orgánica do Poder Xudicial.
-
O Fouce 302 xa anda polas corredoiras: a voz da Galiza labrega a un golpe de rato
7 de Xullo do 2014 ·Co verán, chega unha nova entrega do Fouce, o 302. Desta vez, destaca na portada que a Vía Campesina acadase do Consello de Dereitos Humanos da ONU a continuidade no proceso de elaboración dunha Declaración Universal dos Dereitos Labregos. Ademais, afondamos noutras cuestións como a preocupante actualidade do sector lácteo, os cambios normativos que se aveciñan no sector vitivinícola ou a reforma xudicial e supresión dos rexistros civís.
-
O Fouce 301 xa circula polas vilas e parroquias da Galiza
22 de Maio do 2014 ·O Fouce 301 xa anda circulando polas parroquias e vilas de Galiza. A portada deste 301 está dedicada a novas e crónicas que nos enchen de esperanza, como a chegada a bo porto da loita das sete explotacións que denunciaron a Lácteos Tambre por impagos, a asemblea da Coordinadora Europea da Vía Campesina en Evenstad (Noruega), o Encontro Anual de Mulleres do SLG, as Marchas da Dignidade ou a celebración do Día Internacional da Loita Labrega. Outras son preocupantes, como os primeiros indicios do que podería ser unha nova crise no sector lácteo galego, as negociacións secretas para crear unha área de libre comercio transatlántica ou as novas lexislacións ultraliberais en materia de solo e administración local. Iso e moito máis no Fouce 301, que podes descargar en pdf premendo AQUÍ.
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
