A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Outras>
  4. 2016

Outras: 2016

  1. O SLG denuncia deficiencias nos servizos de rehabilitación do HULA que prexudican especialmente a montaña lucense

    HULA 15 de Novembro do 2019 · 

    O Sindicato Labrego Galego está a recibir numerosas queixas de afiliados e afiliadas por mor das deficiencias do servizo de rehabilitación que ofrece o Hospital Universitario Lucus Augusti (HULA), especialmente por parte de persoas que viven na montaña lucense.

  2. A incompetencia da Consellaría de Medio Rural, protagonista na portada do Fouce 328

    Portada 328 11 de Novembro do 2019 · 

    Xa estamos repartindo o Fouce328 polas parroquias de Galiza. Neste número traemos denuncias potentes, como a desastrosa xestión da Consellaría de Medio Rural que deixou sen executar ao redor de 130 millóns de euros na “lexislatura do rural” ou o proceso xudicial que se está a xestar en todo o Estado contra o cártel de industrias lácteas que foron multadas por pactar prezos. Ademais, damos conta en informacións e reportaxes da actividade da Cooperativa A Carqueixa, das palestras do Festival Son Labreg@, da intensa actividade formativa do SLG, da vendima das Xornadas Intervegas ou da manifestación da plataforma “Por un monte galego con futuro”, entre outras. Xa podedes descargar o voso exemplar na icona que atoparedes no remate desta páxina.

  3. Medio Rural deixou 116 millóns sen executar en 2018 e agora quere eliminar as axudas agroambientais

    Informe Contas 2018 26 de Outubro do 2019 · 

    O Sindicato Labrego Galego denuncia a intención de Medio Rural de rematar coas axudas agroambientais, das que se están a beneficiar ao redor de 4.000 granxas na Galiza, principalmente en Lugo e na montaña de Ourense. Sorprende isto cando o Informe de Contas do ano 2018 da Xunta, publicado esta semana, revela que Medio Rural deixou sen executar 116 millóns de euros ese ano, ou Agader 10 millóns (a metade do seu orzamento). Podes descargar o extracto do informe premendo na icona que atoparás ao remate desta nova.

  1. Oficina agraria virtual

    O SLG pide a ampliación do prazo para alegar os dereitos da PAC e presentará queixa diante da Valedora do Pobo

    2 de Decembro do 2016 · 
    O pasado 15 de novembro, o Fondo Galego de Garantía Agraria (FOGGA) publicaba no Diario Oficial de Galicia (DOG) unha resolución pola que se daba publicidade á asignación de dereitos do réxime do pagamento básico da Política Agraria Común (PAC). Trátase dunha resolución importantísima para as nosas granxas, xa que nela se fixan os dereitos en base aos cales se determinará a contía das axudas para máis de 30.000 labregos e labregas da Galiza no período 2014-2020, dándoselle ás persoas afectadas un mes de prazo para alegar ou facer reclamacións.
  2. Emilio Cao

    O SLG solidarízase con Emilio Cao e esixe a súa absolución

    30 de Novembro do 2016 · 

    O Sindicato Labrego Galego quere solidarizarse con Emilio Cao, o estudante que, sendo menor de idade (17 anos), foi detido nas cargas policiais que se produciron na manifestación das Marchas da Dignidade en Madrid o 22 de marzo de 2014. 

  3. Food Revolution

    4 de decembro: I FORO LABREGO DE AGROECOLOXÍA

    23 de Novembro do 2016 · 

    A Asociación Herbamoura, coa colaboración do Sindicato Labrego Galego e o financiamento da Deputación da Coruña, organiza para o vindeiro domingo, 4 de decembro, o I Foro Labrego de Agroecoloxía, que se celebrará en Betanzos. Alí, a través do diálogo e o intercambio de ideas e experiencias, tentaremos contribuír a afianzar un movemento cada vez máis forte que tenta que a agricultura galega tome vieiros en consonancia con conceptos como a soberanía alimentaria, o respecto ao medio ambiente, a aposta polas producións locais, a relación directa entre a xente labrega e a consumidora ou o facer da alimentación unha fonte de saúde. 

  4. Xuntanza Deputación Lugo SLG

    O SLG e a Deputación de Lugo buscan solucións ao baleiro en formación agraria deixado polos recortes da Xunta

    22 de Novembro do 2016 · 

    A secretaria xeral do Sindicato Labrego Galego, Isabel Vilalba Seivane, e o coordinador dos sectores gandeiros da organización agraria, Xabier Gómez Santiso, mantiveron, o 21 de novembro, unha xuntanza de traballo co presidente da Deputación de Lugo, Darío Campos, para abordar a problemática do baleiro deixado pola Xunta de Galicia na formación profesional de labregos e labregas por mor dos recortes.

  5. Fouce 313

    Fouce 313: Das crises do leite e dos lumes forestais á VII Conferencia Internacional da Vía Campesina

    9 de Novembro do 2016 · 

    Hoxe, miles de Fouce serán enviados por correos a centos de parroquias e lugares de Galiza. E é que vén de saír do prelo o nº 313 (podes descargalo na icona que atoparás no remate desta páxina), con textos que afondan en problemáticas coma os lumes forestais ou a crise do sector lácteo ou novas de sectores produtivos como o do coello, o viño, a castaña, a pataca ou o mel. Tamén incluímos na contraportada unha entrevista a Alazne Intxauspe, de EHNE Bizkaia, organización anfitrioa da VII Conferencia Internacional da Vía Campesina que se celebrará en Derio do 15 ao 24 de xullo de 2017. En días vindeiros, iremos debullando nas redes sociais os contidos íntegros que, decotío, é imposíbel publicar na súa totalidade na edición impresa por motivos de espazo.

  6. Represión MST

    O Sindicato Labrego Galego condena as accións represivas perpetradas pola policía contra os Sem Terra do Brasil

    5 de Novembro do 2016 · 

    O Sindicato Labrego Galego solidarízase cos irmáns e irmás do Movimento dos Trabalhadores Rurais Sem Terra (MST), pertencente a La Vía Campesina coma o SLG, pola escalada represiva que están a sufrir por parte da policía, do sistema xudicial e da clase política máis rancia do Brasil. Dende a Galiza, condenamos a invasión policial vivida onte mesmo, 4 de novembro, na Escola Nacional Florestan Fernandes (ENFF), en Guararema (São Paulo).

  7. Feira Outono Ponteareas

    Ponteareas acollerá unha nova edición da Feira de Outono

    2 de Novembro do 2016 · 

    A Praza Maior de Ponteareas será escenario dunha nova edición da Feira de Outono na fin de semana do 4, 5 e 6 novembro. Así o anunciamos en rolda de prensa as entidades organizadoras desta Feira: Centro de Recuperación de Cultura Popular, Asociación Xuvenil Galiza Nova, Sindicato Labrego Galego e Concello de Ponteareas.

  8. Outono de resistencia

    O SLG apoia as mobilizacións do 15-OU contra os tratados de libre comercio porque ameazan a nosa agricultura

    14 de Outubro do 2016 · 

    O Sindicato Labrego Galego estará, este 15 de outubro, unha vez máis nas rúas para esixir a marcha atrás nas negociacións de tratados de libre comercio coma o TTIP con Estados Unidos ou o CETA con Canadá porque a agricultura sería o sector máis damnificado, xa que as taxas arancelarias que protexen aos produtos agrícolas europeos son as máis altas na UE, cunha media do 14'6%. Isto é así porque os sectores agrarios, amais do importante peso económico que teñen, son vitais para a UE polo seu rol como fornecedores de alimentos, de estruturación do territorio e de distribución xeográfica do traballo e da riqueza. Mais todo iso e moito máis semella que pretende sacrificarse nas aras do libre comercio. Vexamos como:

  9. Zaytouna

    Lánzase unha campaña de alerta diante da inminente abordaxe da flotilla de Mulleres Rumbo a Gaza

    3 de Outubro do 2016 · 

    Mulleres representantes de diversas organizacións que participan na campaña “Rompamos o bloqueo. Mulleres Rumbo a Gaza” compareceron este 3 de outubro en rolda de prensa para manifestar a súa solidariedade e pedir protección ao estado español e a UE para a flotilla de mulleres que partiron rumbo a Gaza o pasado mércores día 27 de setembro. Xunto a isto anunciaron que, diante da inminente abordaxe do barco, lánzase unha campaña de alerta para chamar á mobilización cando iso ocorra.

  10. Planeta aldea

    Comeza en Vilar de Barrio “Aldeas Revoltas”, un encontro para dinamizar a mocidade labrega en busca de alternativas

    24 de Septembro do 2016 · 

    O Sindicato Labrego Galego, tras manter varias xuntanzas con mozos e mozas durante o último ano en cidades e vilas como Lugo, Betanzos, Vilar de Santos ou Compostela; vai celebrar este sábado, 24 de setembro, un encontro de mocidade a nivel galego no albergue d'As Corcerizas, en Vilar de Barrio (Ourense), baixo o título “Aldeas revoltas: Encontro coa mocidade labrega”

  1. 1
  2. 2
  3. 3
  4. Seguinte