A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Outras>
  4. 2018

Outras: 2018

  1. Impulsores xenéticos: Os organismos xeneticamente modificados que poden rematar coa biodiversidade na Terra

    Impulsores xenéticos 30 de Xullo do 2019 · 

    Nesta terceira entrega sobre os organismos xeneticamente modificados (OXMs) imos falar dos coñecidos como "impulsores xenéticos". A que nos referimos cando falamos de impulsores xenéticos? Trátase dunha nova técnica de enxeñería xenética que se usa para forzar a transmisión ás seguintes xeracións dun ou varios xenes en especies vexetais como animais.

  2. Fouce 326: Radiografía da especulación, acaparamento e concentración empresarial no sector vitivinícola galego

    Fouce 326 24 de Xullo do 2019 · 

    O #Fouce236 xa vai camiño das casas. Neste número destaca unha reportaxe de investigación de cinco páxinas na que debullamos a especulación no mundo do viño, a concentración das axudas públicas nunhas poucas familias e adegas e o desembarco de grandes capitais que, paseniño, van acaparando os nosos viñedos. A maiores, tamén atoparás temas como os impagos de Tesgestacín (Logística Alimentaria), o obradoiro europeo no que analizamos a normativa hixiénico-sanitaria en alimentación, o perigo de perda das axudas agroambientais, as demandas da plataforma “Por un monte galego vivo”, a crónica das últimas Xornadas de Granxas Abertas, a crítica ao escaso labor do Consello Galego das Mulleres e moitas outras cuestións de actualidade. E, por certo, xa hai data posta para o III Festival Son Labreg@.Queres saber cando será? Descarga o Fouce na icona que atoparás no final desta páxina!

  1. Parcelaria

    O SLG denuncia que hai granxas con problemas para cobrar a PAC por culpa dos procesos de concentración parcelaria

    26 de Decembro do 2018 · 

    O Sindicato Labrego Galego solicitará unha entrevista con responsábeis da Consellaría de Medio Rural para denunciar o impago das axudas da PAC a granxas que están afectadas por procesos de concentración parcelaria. Trátase dun problema xeneralizado en toda Galiza e no que a Consellaría de Medio Rural está a demostrar a máis absoluta desidia, deixando as granxas afectadas á súa sorte.

  2. Cadea de valor

    O Goberno esquece o sector produtor para defender só as grandes distribuidoras na regulación da venda a perdas

    17 de Decembro do 2018 · 

    O Sindicato Labrego Galego lamenta a falla de compromiso demostrada pola Xefatura do Estado cos labregos e labregas no Real Decreto Lei 20/2018 de Medidas Urxentes para o Impulso da Competitividade Económica na Industria e Comercio. Coa súa publicación, e coa regulación da prohibición da venda a perdas, o Goberno volve lexislar para as grandes empresas e perde unha oportunidade de reforzar e protexer a posición do sector produtor.

  3. II Festival Son Labrego

    O II Festival Son Labreg@ no Fouce 322: "Sangue novo para pór a andar a agroecoloxía e a cultura no rural"

    30 de Novembro do 2018 · 

    No Fouce 322, publicamos unha crónica de dúas páxinas sobre os principais contidos que encheron as palestras do II Festival Son Labreg@. Esas dúas páxinas quedaron curtas, polo que agora compartimos con vós o texto orixinal ampliado no que damos voz a labregos e labregas como Alberte Santín, Ana Corredoria, Xosé García ou Mónica Llenderrozos; e a activistas culturais do rural como Anxo Moure, Lola Tourón, Xosé Bocixa ou Vanesa Castro. 

  4. LGTBIQ ECVC

    I Encontro LGTBIQ da ECVC: Construíndo espazos para a diversidade sexual e de xénero no sindicalismo agrario

    17 de Novembro do 2018 · 

    A Coordinadora Europea da Vía Campesina (ECVC) celebrou en Compostela, entre o 15 e o 17 de novembro, o I Encontro LGTBIQ. A el asistiron representantes de diversas organizacións agrarias europeas que forman parte da ECVC, de países coma Euskal Herria, Andalucía, Alemaña, Austria, Noruega, Bélxica ou Gran Bretaña, ademais da propia anfitrioa: o Sindicato Labrego Galego.

  5. Fouce 322

    As crónicas do III Foro de Agroecoloxía e do II Festival Son Labreg@, ou a campaña da fauna salvaxe, no Fouce 322

    14 de Novembro do 2018 · 

    O Fouce 322, correspondente aos meses de setembro e outubro, xa está impreso. Nel poderás atopar amplas reportaxes sobre o III Foro Labrego de Agroecoloxía ou o II Festival Son Labreg@. No centro da portada, a campaña que fixemos dende o Sindicato Labrego para denunciar o desamparo das granxas diante dos ataques da fauna salvaxe e a pasividade da Xunta. E, en primeira persoa, fixémoslle unha completa entrevista a Vítor Fernández, un mozo chantadino que nos fala dun xeito de traballar na súa granxa de leite no que menos é máis. A maiores, tamén falamos de saneamento gandeiro, do paquete lácteo, das últimas novas ao redor da vendima, a Declaración de Dereitos Labregos, unha unidade didáctica para coñecer máis a fondo os transxénicos, etc. Podes descargar o teu exemplar na icona que atoparás ao remate desta páxina.

  6. Xuntanza SLG Medio Rural

    O SLG leva ás consellarías de Medio Rural e Medio Ambiente as materias pendentes cos sectores agrogandeiros

    18 de Outubro do 2018 · 

    Tralos cambios de carteiras no Goberno da Xunta, a secretaria xeral do Sindicato Labrego Galego, Isabel Vilalba Seivane, mantivo senllas xuntanzas co novo conselleiro de Medio Rural, José González, o 2 de outubro; e coa titular de Medio Ambiente, Ángeles Vázquez, xusto onte, 17 de outubro. En ambos encontros, Isabel Vilalba aproveitou para poñer sobre a mesa varias cuestións pendentes de resolver por ambas consellarías que afectan de cheo ao agro galego.

  7. Cociña Basanta Silva

    O SLG denuncia o desabastecemento de varios comedores escolares en Lugo xestionados pola empresa Gescor

    21 de Septembro do 2018 · 

    O Sindicato Labrego Galego denuncia os problemas que está a haber coa empresa Gescor na xestión de varios comedores escolares de ámbito rural na provincia de Lugo. En concreto, no IES Basanta Silva, de Vilalba, onte o servizo de cociña tivo que improvisar o xantar (as traballadoras foron mercar alimentos para cociñar) e, hoxe mesmo, o alumnado tivo que conformarse cun bocadillo. Neste caso concreto, están afectad@s 184 alumn@s os luns e 47 de martes a venres.

  8. Pilar Rioboo

    O SLG trata coa subdelegada do Goberno na Coruña cuestións de Estado para o agro galego

    18 de Septembro do 2018 · 

    A secretaria xeral do Sindicato Labrego Galego, Isabel Vilalba Seivane, acompañada por Xosé Ramón Cendán, membro da Executiva do SLG, mantiveron onte, 14 de setembro, unha xuntanza coa subdelegada do Goberno na Coruña, Pilar López-Rioboo Ansorena, para tratar diversas problemáticas que afecta directamente aos labregos e labregas e que dependen, directamente, da xestión do Goberno do Estado.

  9. Son Labrego

    A mocidade do SLG leva a Chantada o Festival Son Labreg@ baixo o lema “Construíndo soberanía alimentaria e cultural”

    18 de Septembro do 2018 · 

    O Sindicato Labrego Galego presentou, en Chantada, a que será a segunda edición do Festival Son Labreg@, que desta vez elixiu como escenario o entorno do Cinema Palleiriso, en Garabelos (parroquia de Mariz), apoiados por Anxo Moure e a Asociación Cultural Papaventos de Educación Ambiental.

  10. Fouce 321

    A constitución dunha Coordinadora das Persoas Xubiladas no Sindicato Labrego na portada do Fouce 321

    12 de Septembro do 2018 · 

    Dende finais de agosto, xa estivemos a distribuír o Fouce 321, desta vez algo lixeiro de páxinas por mor do descanso estival do persoal de redacción. Así e todo, atoparedes contidos interesantes como un amplo resume da posta en marcha da coordinadora que levará as cuestións relacionadas coas persoas xubiladas até o vindeiro congreso do SLG, os anuncios de importantes eventos como o III Foro Labrego de Agroecoloxía ou o II Festival Son Labreg@ ou a actualidade dos principais sectores agrogandeiros da nosa terra. Podes botarlle descargando o exemplar en pdf na icona que atoparás no remate desta páxina.

  1. 1
  2. 2
  3. 3
  4. Seguinte