Viño
-
O SLG irá á vía xudicial se fracasan o acto de conciliación e a arbitraxe da Xunta nos impagos de Rías Baixas
5 de Abril do 2013 ·Grazas á campaña de denuncia do Sindicato Labrego Galego, a comisión de seguimento dos contratos na D.O. Rías Baixas reuniuse o 4 de abril para tratar os impagos da vendima de 2011 por parte de adegas como Gran Bazán, Núñez Andión, Lagar da Condesa ou Sucesores de Benito Santos.
-
Asemblea aberta en Ribadumia para viticultores e viticultoras afectad@s polos pagarés sen fondos das adegas
8 de Febreiro do 2013 ·O Sindicato Labrego Galego celebrará hoxe, venres 8 de febreiro, unha asemblea aberta a todas as persoas afectadas polos pagarés sen fondos que varias adegas de Rías Baixas deron en pago pola vendima de 2011. A xuntanza terá lugar na Casa de Cultura de Barrantes, en Ribadumia, a partir das 19:00 horas, e a ela asistirán a secretaria xeral do Sindicato Labrego Galego, Isabel Vilalba Seivane; a responsable comarcal do SLG, Belén Torres Alonso; e o avogado Ramón Barreiro Carnota.
-
O SLG pide a participación da Consellaría de Medio Rural para solucionar os impagos das adegas en Rías Baixas
23 de Xaneiro do 2013 ·O Sindicato Labrego Galego vén de rexistrar un documento diante da Consellaría de Medio Rural para reclamar a súa participación á hora de solucionar o problema dos impagos que están a sufrir centos de viticultores e viticultoras de Rías Baixas que seguen sen cobrar a uva vendimada en 2011.
-
A vendima de 2011 en Rías Baixas segue sen cobrar ao ficar sen fondos os pagarés das adegas
20 de Xaneiro do 2013 ·Centos de viticultores e viticultoras de Rías Baixas están afrontando impagos pola uva vendida na vendima de 2011, ao descubrir que os pagarés que lles deron as adegas non teñen fondos. A escusa que poñen algunhas das adegas implicadas como Gran Bazán, Lagar da Condesa, Sucesores de Benito Santos ou Núñez Andión é que, por mor da crise, o viño non está tendo saída, polo que só poderán ir pagando a medida que vaian vendendo. Sen embargo, isto é falso, pois as adegas están atendendo puntualmente as súas obrigas cos provedores, cousa que non fan cos viticultores e viticultoras.
-
Eleccións a consellos reguladores: Aposta pola calidade e pola agricultura familiar nas denominacións de orixe do viño
29 de Maio do 2012 ·Esta semana entramos na recta final das eleccións a consellos reguladores, que se celebrarán o domingo 3 de xuño. O Sindicato Labrego Galego tentou chegar a consensos con outras organizacións agrarias de cara a facer listas conxuntas, sempre e cando defendesen as mesmas liñas e propostas sindicais. Desta vez, acadamos ese consenso en boa parte dos consellos reguladores e só ficaron catro do sector vitivinícola sen acordo: Monterrei, O Ribeiro, Rías Baixas e Valdeorras. De seguido, damos un repaso ás nosas candidaturas nestas denominacións de orixe e expoñemos as propostas do SLG para o sector vitivinícola, sempre baseadas na defensa da calidade e da agricultura familiar.
-
O SLG seguirá defendendo prezos dignos e uva de calidade en Rías Baixas fronte á posición da industria e da AGV
3 de Maio do 2012 ·A Mesa do Viño da D.O. Rías Baixas, que se celebrou o 3 de maio en Pontevedra, rematou sen acordo de contrato e coas negociacións rotas debido á postura pechada que mantiveron o sector industrial e a Asociación Galega de Viticultura (AGV), entidade vinculada á Federación Rural Galega (Fruga).
-
O Sindicato Labrego Galego considera inasumible a proposta das industrias para a D.O. Rías Baixas
12 de Abril do 2012 ·O Sindicato Labrego Galego quere desmentir certas informacións publicadas por medios de comunicación nas que se anunciou un acordo, ou preacordo, na denominación de orixe Rías Baixas de cara a fixar os prezos da uva e as condicións de compravenda para os vindeiros tres anos.
-
O Sindicato Labrego Galego denuncia que boa parte da colleita de uva da DO Monterrei estase a vender sen prezo
26 de Septembro do 2011 ·O Sindicato Labrego Galego vén de constatar que boa parte das adegas que operan na denominación de orixe Monterrei están recolléndolle as uvas aos viticultores e viticultoras sen pactar previamente un prezo. É dicir: as adegas están levando a uva sen dicir a canto a van pagar por ela. Até o de agora, as adegas desta DO caracterizáronse por pagar os prezos máis baixos pola uva das cinco denominacións de orixe galegas. O feito de recoller agora a uva sen pactar previamente un prezo supón unha volta de rosca máis que afonda nas prácticas abusivas a que xa nos teñen afeitos as adegas de Monterrei.
-
O Sindicato Labrego reclama que se deteña o proceso de regularización de viñas na Ribeira Sacra
20 de Septembro do 2011 ·O Sindicato Labrego Galego, diante das novas que están aparecendo sobre os problemas de sobreprodución na denominación de orixe Ribeira Sacra, quere deixar claro que non está a favor dun incremento lineal dos rendementos máximos por hectárea. O SLG Non cre que sexa un problema xeneralizado e, en todo caso, o consello regulador debería facer un control en campo previo á vendima co fin de velar pola calidade e determinar cales son as parcelas que poden ter un exceso, cal é o motivo deste exceso e facer recomendacións previas. Na Ribeira Sacra temos que apostar por unha viticultura de calidade, posto que non é posible competir con ningunha zona en cantidade.
-
O Sindicato Labrego Galego non permitirá a baixada dos prezos en Rías Baixas nin que se deixe de recoller uva de calidade
24 de Agosto do 2011 ·Nos últimos días, algunhas adegas da denominación de orixe Rías Baixas comunicáronse cos viticultores e viticultoras que lles subministran para avisarlles de que non lles recollerán toda a uva. Para o Sindicato Labrego Galego, estas comunicacións atentan contra o dereito a unhas relacións comerciais xustas e contra o dereito dos viticultores e viticultoras a vivir do seu traballo; e evidencian a intención de algunhas adegas de abaratar o prezo das uvas que mercan para maximizar os seus beneficios, sempre a costa do sector produtor.
Sindicato Labrego Galego © 2008
Subvencionado pola Presidencia da Xunta de Galicia. Secretaría Xeral de Política Lingüística
