A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas

Novas

  1. A mocidade do Sindicato Labrego Galego reclama de Medio Rural solucións á fiscalización abusiva da Axencia Tributaria

    Impostos abusivos rural 9 de Novembro do 2017 · 

    Un grupo de mozos e mozas do Sindicato Labrego Galego vidos de diversos puntos de Galiza desprazouse hoxe, 9 de novembro, até Compostela para denunciar diante da Consellaría de Medio Rural as prácticas abusivas que están a sufrir por parte da Axencia Tributaria. E fixérono rexistrando un escrito dirixido á conselleira, Ángeles Vázquez, no que se lle reclama unha entrevista para poder expoñerlle esta problemática e que realice as xestións necesarias diante do Ministerio de Facenda para que os mozos e mozas que apostan contra vento e marea por labrarse un futuro na profesión agraria non sigan a sufrir a agresiva e inxusta fiscalización da Axencia Tributaria.

  2. Graxas de Abadín doan un cargamento con 35 toneladas de herba a unha granxa d'As Neves damnificada polo lume

    Trailer rolos herba 7 de Novembro do 2017 · 

    Xesús Ferreira ten unha explotación de vacas de carne e ovellas na parroquia de Cerdeira, no concello pontevedrés d'As Neves. Na vaga de lumes que asolou Galiza na fin de semana do 15 de outubro, tivo a mala sorte de que lle arderán todos os pasteiros do que se alimentaba o seu gando: 35.000 metros cadrados de prados e todo o monte comunal da parroquia.

  3. As axudas pola seca constatan o desprezo da Xunta polo rural e condenan miles de granxas a unha ruína segura

    Rolda do SLG 3 de Novembro do 2017 · 

    O Sindicato Labrego Galego ofreceu hoxe, 3 de novembro, unha rolda de prensa en Ourense para valorar a orde publicada pola Xunta para paliar os danos da seca e explicar a dramática situación á que, pola falta de efectividade destas axudas, se terán que enfrontar miles de granxas na Galiza, especialmente na provincia de Ourense.

  4. O Foro do SLG remata co compromiso de tecer redes e traballar nas institucións para reforzar a agroecoloxía

    Mirene Begiristain 30 de Outubro do 2017 · 

    A segunda xornada do Foro de Agroecoloxía que está a celebrar o Sindicato Labrego Galego na Illa de San Simón comezou, este domingo 29 de outubro, coa intención de desenvolver, dende un punto de vista práctico, moitas das ideas e cuestións xurdidas o día anterior con respecto á comercialización. Adiantamos agora unhas liñas xerais do que deu esta xornada que iremos desenvolvendo nos vindeiros días.

  5. Arrinca o II Foro Labrego de Agroecoloxía analizando os pros e os contras da comercialización directa

    Isabel Vilalba 29 de Outubro do 2017 · 

    O Sindicato Labrego Galego está a celebrar esta fin de semana, na Illa de San Simón, o II Foro Labrego de Agroecoloxía, un evento que aposta, do mesmo xeito que a organización agraria, por unha visión integral e sostible da agricultura, tanto dos métodos de cultivo, como das relacións comerciais, as condicións de vida dos produtores e produtoras, do benestar animal, dos ecosistemas ou da paisaxe.

  6. O SLG pide a exención de impostos para os cambios de titularidade entre familiares sen ánimo de lucro

    Axencia Tributaria 27 de Outubro do 2017 · 

    Unha comitiva do Sindicato Labrego Galego formada por María Ferreiro e Xosé Ramón Cendán -membro e asesor da Executiva do SLG, respectivamente- mantiveron hoxe, 26 de outubro na Coruña, un encontro co director da Área de Agricultura da Delegación do Goberno, José Álvarez Robledo, para tratar a problemática dos impostos que se lles están a aplicar aos cambios de titularidade en explotacións.

  7. O SLG presenta o II Foro Labrego de Agroecoloxía para tentar mellorar a comercialización de alimentos ecolóxicos

    Cartaz Foro Agroecoloxía 25 de Outubro do 2017 · 

    O Sindicato Labrego Galego presentou hoxe, 25 de outubro, a que será a segunda edición do Foro Labrego de Agroecoloxía, que se celebrará na Illa de San Simón (Redondela) ao longo de toda esta fin de semana baixo o título “Camiñando xuntas pola soberanía alimentaria”. Desta maneira, o SLG dá continuidade a un evento que naceu o ano pasado en Betanzos coa intención de crear un espazo de encontro para todas as persoas, colectivos e organizacións que apostan por unha produción de alimentos que vaia máis alá dos métodos de cultivo ecolóxicos e sexa, entre moitas outras cousas, un factor activo de xeración de emprego, de sostibilidade ambiental, de saúde e de xustiza laboral.

  8. En marcha contra a avespa velutina: Concentración en Compostela reclama un plan de choque urxente

    Marcha STOP Velutina 19 de Outubro do 2017 · 

    A Marcha Stop Velutina, convocada pola Asociación Galega de Apicultura, partiu hoxe de Santiago de Compostela cunha concentración diante da Xunta de Galicia na que reivindicou á necesidade dun plan de choque urxente para frear o avance da Vespa velutina, que está poñendo en perigo o medio ambiente e a supervivencia das abellas. A Marcha estará por Asturias hoxe e mañán onde continuarán os actos en Luarca e Xixón, pasará o día 21 por Torrelavega na Feira Apícola de Cantabria e para rematar chegará a Euskadi, o domingo 22 en Vitoria e o 23 en Bilbao.

  9. O SLG apoia a manifestación do domingo contra a Lei de Depredación por deixar sen protección a nosa agricultura

    Mani contra LFIIE 18 de Outubro do 2017 · 

    O Partido Popular aprobou onte, 17 de outubro, a Lei de Fomento das Iniciativas Empresariais (LFIIE), máis coñecida como Lei de Depredación de Galiza, que elimina de golpe unha grande cantidade de ferramentas legais coas que a cidadanía podía defenderse do impacto negativo de actividades empresariais nocivas e negativas para o medio ambiente e a vida das persoas.

  10. Arrinca a Marcha Stop Velutina con unha concentración reivindicativa diante da Consellaría de Medio Rural

    Marcha Stop Velutina 18 de Outubro do 2017 · 

    Ante a alarmante situación que está sufrindo o medio ambiente a causa da imparable e devastadora praga da avespa velutina, a Asociación Galega de Apicultura xunto con outras asociacións da Cornixa Cantábrica decidiron organizar a Marcha Stop Velutina, que partirá o día 19 de outubro dende Santiago de Compostela, onde terá lugar unha concentración con motivo da saída da marcha, diante do edificio da Xunta de Galicia en San Caetano ás 10.30.

  11. O SLG acusa a Medio Rural de neglixencias directas que favoreceron a vaga de lumes catastrófica que asola Galiza

    Incendio forestal 16 de Outubro do 2017 · 

    O Sindicato Labrego Galego quere expresar a súa consternación e dó pola vaga de lumes que está a asolar Galiza e que arrasa milleiros de hectáreas e que xa provocou a morte de tres persoas. Dende o SLG, a nosa solidariedade cos miles de cidadáns e cidadás que, en maior ou menor grao, están a sufrir o impacto desta situación catastrófica. A maiores, a nosa máis enérxica condena da actividade criminal dos incendiarios causantes dos lumes por todo o dano e dor causadas e pola devastación irreparable que están a causar os seus actos.

  1. Millo seco

    As axudas pola seca da Xunta deixan os sectores agrogandeiros indefensos nunha situación catastrófica

    16 de Outubro do 2017 · 

    O paquete de axudas para paliar os efectos da seca na agricultura que aprobou o último Consello da Xunta supón unha burla para o sector, habida conta que se trata de axudas que xa existían e que, a maiores, non van solucionar un problema como o da seca, asociado ao cambio climático, co que teremos que aprender a convivir no futuro.

  2. Incendio forestal

    O SLG denuncia que Medio Rural prescinde do persoal contra incendios cando Galiza segue en risco pola seca

    5 de Outubro do 2017 · 

    Hai un par de semanas, o grupo de organizacións que abandonamos o último Consello Forestal polos atrancos da Consellaría de Medio Rural á participación no Plan de Incendios de Galicia 2017 (Pladiga), denunciabamos que a mediados de setembro aínda non comezaran boa parte dos labores preventivos deste ano, que deberían terse feito no inverno e primavera pasados, antes de comezar a época de máximo risco de incendios (ver bit.ly/SenPrevLumes17).

  3. Dereitos labregos

    Un paso cara a adiante no proceso para termos unha Declaración Universal sobre os Dereitos Labregos na ONU

    4 de Outubro do 2017 · 

    A Vía Campesina, FIAN International e CETIM, así como as súas contrapartes, comprácense en anunciar que o Consello de Dereitos Humanos da ONU adoptou por ampla maioría unha nova resolución sobre os dereitos dos labregos e das labregas. Despois de varios anos de arduo traballo, esta é unha vitoria sen precedentes para a defensa dos dereitos da poboación rural do mundo.

  4. Alegacións San Rafael

    A mina de San Rafael pon en risco directo a vida de máis de duascentas persoas nos concellos do Pino e en Touro

    4 de Outubro do 2017 · 

    Unha comitiva de veciños e veciñas de Touro e da plataforma contraMINAcción acudiu, o 3 de outubro, até o Rexistro Xeral da Xunta de Galicia para facer entrega de 500 alegacións contra o proxecto da mina de San Rafael, que afecta unha ampla zona dos termos municipais de Touro e O Pino.

  5. Democracia é decidir

    30 de setembro: Manifestación nacional en Compostela en defensa dos dereitos e liberdades en Cataluña

    27 de Septembro do 2017 · 

    Este sábado, 30 de setembro, a Plataforma Galiza con Catalunya, conformada por diversas organizacións políticas, sociais, sindicais e culturais galegas, convoca unha manifestación nacional en Compostela con saída ás 12h da Alameda baixo o lema "Democracia é decidir".

  6. Xornada Ceres Outeiro de Rei

    Un cento de labregas abordan en Outeiro de Rei as problemáticas asociadas á titularidade compartida

    22 de Septembro do 2017 · 

    A Secretaría das Mulleres do Sindicato Labrego Galego, a Asociación Labregas e a Confederación de Mulleres do Mundo Rural (Ceres) celebraron este venres, 22 de setembro, en Vida de Aldea (San Clodio de Aguiar, Outeiro de Rei, Lugo), unha xornada multidisciplinar financiada polo Ministerio de Agricultura na que se abordou a cuestión da titularidade compartida nas explotacións e á que asistiron case un cento de labregas.

  7. Fouce 316

    A Conferencia Internacional da Vía Campesina en Derio e o Foro LGTBI "O rural galego entende", a fondo no Fouce 316

    19 de Septembro do 2017 · 

    O Fouce 316 xa vai camiño das parroquias, e con el cumprida información no panorama agrario e rural da Galiza e parte do estranxeiro. Aos contidos que xa vos adiantamos estes días pasados en redes sociais -coma o Foro LGTBI, a Lei de Titularidade Compartida, a xestión de pragas ou a entrevista a Ángeles Santos-, habería que engadir outros temas como a situación en sectores coma o lácteo e o cárnico, a nova lei que grava as sementes reutilizadas, o CETA ou a Conferencia Internacional da Vía Campesina. Se queres saber máis do que publicamos no noso voceiro, non tes máis que descargalo premendo na icona que atoparás no remate desta páxina.

  8. Ana Eiras

    A Secretaría das Mulleres do SLG leva a Madrid propostas para enfrontar o fracaso da Lei de Titularidade Compartida

    18 de Septembro do 2017 · 

    A Lei de Titularidade Compartida entrou en vigor, o 5 de xaneiro de 2012, para dar unha solución á flagrante desigualdade que padecen miles de labregas que non son titulares da explotación na que traballan. Cando nacera a lei, calculábase que só na Galiza había 35.000 mulleres nesta situación, 400.000 se falamos a nivel estatal. Porén, dende aquela, só se deron de alta na Galiza 17 mulleres, 290 en todo o Estado.

  9. Feira Sementes Tomiño

    Declaración final da XVIII Feira de Biodiversidade Agrícola

    15 de Septembro do 2017 · 

    A pasada fin de semana, Tomiño acolleu a celebración da XVIII Feira de Biodiversidade Agrícola, un evento a nivel estatal organizado pola Rede Galega de Sementes e a Rede de Sementes "Resementando e Intercambiando".Despois de tres días de intercambio de saberes e sementes, as persoas e colectivos participantes acordaron unha declaración final que transcribimos íntegra polo seu interese. Vai de seguido:

  10. Cortalumes

    A Consellaría de Medio Rural non realizou aínda os traballos de prevención de lumes orzados para 2017

    15 de Septembro do 2017 · 

    Trala intervención triunfalista sobre a campaña de incendios de 2017 que fixo a conselleira de Medio Rural esta semana no Parlamento, queremos denunciar que Galiza segue sen contar cunha política de prevención de incendios que teña como fin principal a xestión sustentable dos ecosistemas forestais e que trate de evitar os incendios para non ter que apagalos. A Xunta de Galicia aposta todo a unha carta "extinción-extinción...". E a mellor proba disto é que, estando a mediados do mes de setembro, agora que veñen os primeiros orballos e choivas que anticipan o outono, a Xunta comezará cos traballos de prevención previstos e orzados para o ano 2017 que, a día de hoxe, están aínda sen realizar. Nin que dicir ten que a conselleira, cando afirmou esta semana que “por parte da Administración galega, as actuacións concéntranse na prevención e valorización forestal”, mentiu.

  1. 1
  2. 2
  3. 3
  4. 4
  5. 5
  6. 6
  7. 7
  8. Seguinte

Arquivo