A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas

Novas

  1. A Comisión contra as Minas na Terra Chá pide a dimisión do director xeral de Minas, Bernardo Tahoces

    Bernardo Tahoces 22 de Abril do 2019 · 

    O 17 de abril, os medios de comunicación sacaban a luz a nova de que o director xeral de Minas, Bernardo Tahoces, deberá declarar como imputado diante da Fiscalía de Medio Ambiente o 2 de maio por presunta prevaricación ambiental. Tahoces terá que declarar por irregularidades denunciadas por Verdegaia na reapertura da Mina de San Finx (Lousame) tales como carecer de DIA (declaración de impacto ambiental) etc.

  2. IV Encontro de ContraMINAcción: O día que uniu forzas na Galiza a loita contra a minaría destrutiva na Galiza

    Contraminacción 11 de Abril do 2019 · 

    A Rede contra a Minaría Destrutiva na Galiza ContraMINAcción desenvolveu, do 15 ao 17 de febreiro, o seu IV Encontro. Nesta ocasión, acudiron representantes de catorce organizacións e plataformas de toda a Península Ibérica que están a enfrontar nos seus respectivos territorios a ameaza, o impacto directo ou as secuelas da actividade mineira. Precisamente, esta pluralidade de voces serviu para tirar varios denominadores comúns que se están a dar nesta loita. Tes unha crónica do encontro que xa publicamos nesta web AQUÍ Agora, compartimos con vós un resume das voces que se puideron escoitar eses días en Compostela.

  3. SLG e Aperfasa convocan unha manifestación conxunta o 8 de maio para esixir solucións aos danos da fauna salvaxe

    SLG Asperfasa 9 de Abril do 2019 · 

    O Sindicato Labrego Galego e a Asociación de Prexudicados pola Fauna Salvaxe (Aperfasa) fixeron público, o 8 de abril, un acordo de colaboración para demandar solucións aos danos da fauna salvaxe na Galiza e anunciaron unha manifestación conxunta para o día 8 de maio. Desta maneira, o SLG suspende a convocatoria de protestas que tiña prevista para esta mesma semana, o 11 de abril.

  4. As granxas de Agolada temen quedar outro ano sen bonificación do IBI pola excesiva burocracia

    Inmoble agrario 8 de Abril do 2019 · 

    Despois de que, en 2018, a maioría das granxas agolenses que podían solicitar a bonificación no IBI dos inmobles agrarios quedasen sen a axuda, en 2019 hai moitas que temen que poida acontecer outro tanto. Desta vez, e trala experiencia do ano pasado, as granxas solicitantes prepararon con suficiente antelación todos os documentos esixidos para tramitar a axuda en prazo. Algo nada doado pois, de feito, moitas granxas que podían beneficiarse da bonificación, especialmente aquelas rexentadas por persoas maiores, xa non pasaron o traballo de enlearse neste vía crucis burocrático e renunciaron a facer a solicitude.

  5. A Asociación Galega de Apicultura (AGA) convoca protestas en Ourense para esixir solucións á expansión da velutina

    Manifestación velutina Ourense 3 de Abril do 2019 · 

    A Asociación Galega de Apicultura (AGA) convocou unha concentración de protesta para o xoves 4 de abril diante da Delegación Territorial da Xunta de Galicia en Ourense. Será ás 11:00 e con ela, unha vez máis, tentará chamar a atención da Consellaría de Medio Ambiente dunha praga que está a ser catastrófica para o sector apícola que se lle foi das mans ás autoridades competentes para controlala: a avespa velutina. De seguido, compartimos con vós os argumentos de AGA para saír á rúa.

  6. O SLG presenta na Galiza a Declaración dos Dereitos Labregos da ONU cunha lectura pública dos seus artigos

    Lectura Dereitos Labregos 30 de Marzo do 2019 · 

    O Sindicato Labrego Galego realizou, o 31 de marzo, unha lectura pública da Declaración dos dereitos dos labregos e das labregas e outras persoas que traballan nas zonas rurais, que foi aprobada definitivamente o 17 de decembro de 2018 pola Asemblea Xeral da ONU en Nova York. O acto tivo lugar no Salón Nobre do Pazo de Fonseca, en Compostela, e nel participaron figuras públicas e representantes de organizacións e colectivos destacados na defensa da terra e dos dereitos humanos na Galiza. Cómpre destacar, neste senso, a presenza de Marina dos Santos, dirixente do Movimento dos Trabalhadores Rurais Sem Terra do Brasil (MST).

  7. Sonia Vidal Lamas escollida para formar parte do Comité Coordinador da Vía Campesina en Europa

    Sonia Vidal 28 de Marzo do 2019 · 

    Sonia Vidal Lamas, gandeira de Xunqueira de Ambía (Ourense) que forma parte da Executiva do Sindicato Labrego Galego, vén de ser escollida para formar parte do Comité Coordinador da Coordinadora Europea da Vía Campesina (European Coordination of Via Campesina-ECVC).

  8. O SLG e Asperfasa convocan manifestación o 8 de maio para denunciar a indefensión cos ataques da fauna salvaxe

    Rolda SLG Fauna Salvaxe 26 de Marzo do 2019 · 

    O Sindicato Labrego Galego ofreceu, o 25 de marzo, unha rolda de prensa en Lugo para denunciar a indefensión que están a sufrir as granxas de toda Galiza diante dos ataques da fauna salvaxe. Aínda que, inicialmente, puxo o 11 de abril como data para realizar unha manifestación de protesta, acabou chegando a un acordo coa Asociación de Prexudicados pola Fauna Salvaxe (Aprefasa) e, de cara a unir forzas e facer unha convocatoria o máis ampla posible, pospoñeuse a marcha de protesta en Compostela para o 8 de maio.

  9. O Fouce 324 tinxe de lilá a súa portada para facer crónica da campaña da Secretaría das Mulleres do SLG polo 8M

    Fouce 324 21 de Marzo do 2019 · 

     

    Como non podía ser doutro xeito, o Fouce 324 mudou a súa portada á cor lilá, dedicándolle especial atención á Folga do 8 de marzo e a toda a actividade desenvolvida pola Secretaría das Mulleres do SLG ao redor desta data, dende a campaña de encontros por varias comarcas rurais até o XIV Encontro de Labregas. Ademais, un caderno central de catro páxinas fala polo miúdo do IV Encontro de ContraMINAcción, Xabier Simón fálanos do Observatorio Eólico de Galicia, tratamos en profundidade a sentenza que avala as denuncias do SLG contra a fiscalización abusiva das axudas de incorporación -incluíndo unha entrevista na contraportada a Conchi Docampo ou, coma sempre, traemos a actualidade dos diversos sectores produtivos do noso agro.

    Se queres ler este Fouce 324, podes descargalo na icona que atoparás no remate desta páxina.

  10. Manifesto da Marcha Mundial das Mulleres diante do feminicidio de María José Aboy Guimarei en Valga

    Marcha Mundial das Mulleres 12 de Marzo do 2019 · 

    A Coordinadora Galega da Marcha Mundial das Mulleres vén de facer público un comunicado no que  denuncia o feminicidio de María José Aboy Guimarey, de 43 anos, no municipio pontevedrés de Valga, asasinada dun disparo no peito o pasado domingo polo seu marido. Se queredes ler o comunicado completo, podedes descargalo na icona que segue a continuación.

  11. Solidariedade do 8M en Vilalba cunha muller maltratada polas barreiras arquitectónicas do Concello de Abadín

    8M Vilalba 8 de Marzo do 2019 · 

    A folga feminista en Vilalba comezou a primeira hora da mañá cun acto simbólico: vestir cun mandil o busto de Fraga Iribarne, na praza do Concello, onde se podía ler a súa frase de cando era ministro de Gobernación durante a Transición: “Que este exemplo sirva de lección a todo o país”, en alusión aos cinco traballadores asasinados polo fogo indiscriminado dos antidisturbios cando celebraban unha asemblea en Vitoria, o 3 de marzo de 1976.

  12. O Sindicato Labrego Galego celebra esta fin de semana en Nigrán o XIV Encontro da Secretaría das Mulleres

    Rolda XIV Encontro Mulleres 7 de Marzo do 2019 · 

    O Sindicato Labrego Galego presentou, o 6 de marzo, o XIV Encontro da Secretaría das Mulleres. Foi a responsábel desta área da organización agraria, María Ferreiro, a encargada de comparecer diante dos medios de comunicación para falar dun evento que, nesta ocasión, versará sobre “Corpo e Territorio”.

  13. O SLG critica a exclusión das organizacións agrarias na xuntanza de Medio Rural na Limia polo regadío e os xurros

    Balseiros 1 de Marzo do 2019 · 

    O Sindicato Labrego Galego non sae do seu asombro tras saber, a través de varios medios de comunicación, da xuntanza mantida entre o director xeral de Gandaría, Agricultura e Industrias Agroalimentarias, José Balseiros, e diversos colectivos e asociacións da Limia, o 26 de febreiro, para tratar cuestións como o regadío ou a xestión dos refugallos gandeiros na comarca.

  14. O mal funcionamento do Consello Forestal de Galicia volve derivar na exclusión dos axentes sociais do sector

    Consello Forestal 28 de Febreiro do 2019 · 

    Trala celebración da última xuntanza do Consello Forestal, o pasado 19 de febreiro, o Sindicato Labrego Galego, Asociación Frouma e Amigos da Terra queren denunciar, unha vez máis, a exclusión dos axentes do sector á hora de dialogar e traballar para facer políticas forestais de consenso.

  15. O SLG pide a exención fiscal para as axudas de incorporación e a devolución rápida dos ingresos indebidos

    Rolda plans incorporacion 19 de Febreiro do 2019 · 

    O Sindicato Labrego Galego deu unha rolda de prensa o 18 de febreiro para denunciar a tributación abusiva que Facenda está a impor ás axudas dos Plans de Incorporación de xente nova á actividade agraria. Na comparecencia ante os medios de comunicación, que se celebrou en Compostela, participaron a secretaria xeral do SLG, Isabel Vilalba Seivane; Conchi Docampo, labrega afectada á que lle vén de dar a razón a xustiza; e Sonia Vidal Lamas, gandeira que tamén sufriu esta fiscalidade excesiva e que é unha das coordinadoras da Mocidade Labrega.

  16. Colectivos de Galiza, España e Portugal colaboran no IV Encontro de Contraminacción para enfrontar a minaría

    IV Contraminacción 16 de Febreiro do 2019 · 

    A Rede contra a Minaría Destrutiva na Galiza ContraMINAcción desenvolveu durante a xornada deste sábado, 16 de febreiro, a parte principal da programación do seu IV Encontro. Nesta ocasión, como xa temos informado, acudiron representantes de organizacións e plataformas de toda a Península Ibérica que están a enfrontar nos seus respectivos territorios a ameaza, o impacto directo ou as secuelas da actividade mineira. Precisamente, esta pluralidade de voces serviu para tirar varios denominadores comúns que se están a dar nesta loita.

  17. O SLG inicia en Ourense un ciclo de palestras con "Alimentación consecuente. O cambio nas nosas mans"

    Santi Rodríguez Cid 15 de Febreiro do 2019 · 

    Onte comezamos en Ourense unha rolda de charlas organizadas pola Mocidade do Sindicato Labrego Galego de cara a difundir cuestións como a soberanía alimentaria, a importancia de consumir alimentos producidos localmente, as problemáticas ás que se está a enfrontar a xente nova que quere facer da agricultura o seu medio de vida, etcétera

  18. O SLG pide a convocatoria urxente da Mesa do Leite tras perder o sector máis de 7 millóns de euros en decembro

    Muxido capitalista 14 de Febreiro do 2019 · 

    Trala celebración do Consello Agrario Galego, o Sindicato Labrego Galego considera urxente a convocatoria dunha Mesa do Leite na que haxa representación de industrias, distribución e organizacións agrarias para abordar a crise crónica de prezos que arrastran as granxas galegas antes de que comece a nova campaña o 1 de abril, e antes de que se asinen contratos á baixa, tal e como vén acontecendo nas últimas semanas (consultar AQUÍ).

  19. InterVegas impulsa unha proposición de lei estatal para promover a protección e dinamización dos solos fértiles

    Intervegas Congreso 14 de Febreiro do 2019 · 

    Representantes dos diferentes colectivos e institucións que confomran a Rede Estatal InterVegas déronse cita este xoves, 14 de febreiro de 2019, no Congreso dos Deputados e das Deputadas, cos voceiros de Agricultura dos grupos parlamentarios para rexistrar unha proposta de lei de ámbito estatal que permita a protección dos solos fértiles. Despois dun percorrido de case dous anos, e co apoio institucional de parlamentos autonómicos, concellos, deputacións, consellos de goberno de universidades e un grande número de entidades, a nosa proposta xerou un grande consenso social e político.

  20. A xustiza avala as denuncias do Sindicato Labrego Galego contra a excesiva fiscalidade nas axudas de incorporación

    Contra IRPF incorporacións 8 de Febreiro do 2019 · 

    O Tribunal Económico-Administrativo de Galiza vén de dar a razón un mozo afectado pola excesiva fiscalidade sobre os plans de incorporación de xente nova.Desta maneira, vén de sentarse xurisprudencia a favor de varias denuncias presentadas polo SLG contra a excesiva e inxusta fiscalidade que a Axencia Tributaria lle estaba a aplicar aos Plans de Incorporación de xente moza.

  21. O SLG apoia a manifestación de SOS Sanidade Pública para reivindicar unha atención primaria digna

    Mani SOS Sanidade Pública 6 de Febreiro do 2019 · 

    O Sindicato Labrego Galego apoia a manifestación convocada por SOS Sanidade Pública deste domingo, 10 de febreiro, en defensa do sistema sanitario público galego e dunha atención primaria digna. Dende que comezaron os recortes no noso sistema sanitario, este non fixo máis que degradarse, ano tras ano: precariedade laboral, problemas de accesibilidade a probas diagnósticas, sobrecarga crónica, perda da dirección autónoma de atención primaria, perda de financiamento, falta de tempo para atender os e as pacientes, supresión das áreas sanitarias e de servizos nos hospitais comarcais, etc.

  22. O IV Encontro de ContraMINAcción convocará na Galiza movementos contra a minaría destrutiva de toda a Península

    IV Encontro Contraminacción 5 de Febreiro do 2019 · 

    A Rede contra a Minaría Destrutiva na Galiza ContraMINAcción1 está a organizar o seu IV Encontro, que se celebrará en Santiago de Compostela os días 16 e 17 de febreiro. Nesta cuarta edición, baixo o título “Impactos da minaría na Península Ibérica”, o evento transcende as fronteiras de Galiza ao invitar 14 organizacións e plataformas que se opoñen á actividade mineira en España e Portugal polas consecuencias negativas que esta ten no seu entorno2.

  23. Sindicato Labrego, CUT e Sindicato Ferroviario-Intersindical rexistramos o preaviso para a Folga de Mulleres do 8M

    Folga Feminista 4 de Febreiro do 2019 · 

    O 31 de xaneiro, a CUT, Sindicato Labrego Galego (representado por María Ferreiro, responsábel da Secretaría das Mulleres) e Sindicato Ferroviario-Intersindical rexistramos na Consellería de Traballo o preaviso de convocatoria de folga de 24 horas para o vindeiro 8 de marzo, tal e como fixemos as tres organizacións sindicais o ano pasado seguindo o mandato dos movementos feministas.  De seguido, compartimos con vós o texto principal do preaviso:

  1. A Limia

    O SLG denuncia o desmantelamento da Oficina Agraria Comarcal de Xinzo e demanda recursos suficientes para ela

    4 de Febreiro do 2019 · 

    O Sindicato Labrego Galego rexistrou unha instancia na que se interpela á Consellaría de Medio Rural para que dote de suficientes medios materiais e humanos a Oficina Agraria Comarcal (OAC) de Xinzo de Limia. No escrito presentado denúnciase que “sendo a OAC de Xinzo de Limia a que conta con maior carga de traballo de todas as oficinas agrarias comarcais da provincia de Ourense e de Galicia, tanto en volume como en número de explotacións (...), leva varios meses sen técnicos para tramitar axudas nin para xustificar as xa aprobadas”.

  2. Cecilia Fernández

    Cecilia Fernández: "Contra os estereotipos no mundo do viño, na miña empresa traballamos tres mulleres"

    1 de Febreiro do 2019 · 

    Cecilia Fernández Rodríguez é valdeorresa de raíz. Se cadra por iso, aínda que se formou como bióloga, acabou entre viñedos. Foi traballando como inspectora do Consello Regulador de Valdeorras cando lle espertou a vocación, hai máis de quince anos. Dende aquela, tivo tempo de licenciarse como enóloga e de traballar para adegas da Rioxa, O Bierzo ou Valdeorras. Iso foi até 2016, cando naceu Icía e decidiu dedicarlle o seu tempo. Ese alto no camiño serviría para mudar de rumbo e abrir unha consultoría enolóxica, profesión que compaxina co traballo nos viñedos familiares xunto ao seu pai e a elaboración de viño para autoconsumo.

  3. Instancia couza guatemalteca

    O SLG demanda de Medio Rural xuntanzas informativas en todas as comarcas afectadas pola couza guatemalteca

    1 de Febreiro do 2019 · 

    O vicerresponsábel do Sector de Horta, Froita e Flor do Sindicato Labrego Galego, Henrique Outes, rexistrou un escrito dirixido ao conselleiro de Medio Rural no que se denuncia o escurantismo da Consellaría á hora de tratar a crise da couza guatemalteca. As familias que cultivan pataca nas zonas afectadas só están accedendo á información sobre a xestión desta praga a través dos medios de comunicación que, en ocasións, publican datos contraditorios que non fan máis que xerar unha maior confusión, realizando un labor informativo necesario pero que debería corresponder, en primeiro termo, á propia Xunta de Galicia.

  4. Agromo

    A ferida labrega

    31 de Xaneiro do 2019 · 

    por Sabela Facal, labrega.

    Na sección de Mocidade do Fouce 323, Sabela Facal reflexiona sobre as difucultades da xente nova que se incorpora á agricultura, sexan mozos e mozas "neorrurais" que proceden de ámbitos urbanos ou que non tiveran antes relación co agro, sexan aqueles e aquelas que herdan o oficio de pais e nais. Sexan quen sexan, as dificultuades e os atrancos están asegurados...

  5. José Luís Martín

    José Luís Martín: "Galiza cometeu o erro de non apostar por razas autóctonas para facer queixo"

    29 de Xaneiro do 2019 · 

    Sempre é un pracer falar co mestre queixeiro José Luís Martín, un dos expertos máis reputados do Estado que é director do Espazo Gourmetquesos do Salón de Gourmets de Madrid e coordina o Campionato dos Mellores Queixos de España, que leva nove edicións. En 2012, tivemos oportunidade de entrevistalo para o Fouce (nº 291, páxs. 14 e 15) e, agora de novo, aproveitando o curso de elaboración de queixos que impartiu en Dordaño (Cesuras), volvemos falar con el de cuestións como as claves para dar o paso da produción de leite á de queixos ou en que deberían mellorar as nosas denominacións de orixe. A presente entrevista que compartimos aquí con vós foi publicada no Fouce 323.

  6. Conselleiro

    O SLG pide que os plans de mobilidade de terras favorezan no reparto a xente nova e granxas da zona

    29 de Xaneiro do 2019 · 

    O Sindicato Labrego Galego vai iniciar unha rolda de contactos cos partidos políticos con representación no Parlamento de Galicia para pedirlles información sobre os plans piloto de mobilidade de terras que está a desenvolver a Consellaría de Medio Rural en comarcas como Lemos, Ancares, Courel, O Ribeiro ou Verín.

  7. Somiedo

    Convivencia de gandería e fauna salvaxe: Aprendendo da experiencia en xestión no parque natural de Somiedo

    28 de Xaneiro do 2019 · 

    O 25 de setembro, unha trintena de gandeiros e gandeiras de vacún de carne do SLG viaxaron ao Parque Natural de Somiedo, en Asturias, para coñecer de preto a experiencia das granxas de alí, que teñen que convivir con importantes poboacións de oso, lobo, xabaril, veados e outras especies silvestres que causan importantes danos. No último Fouce 323 publicamos unha crónica daquela viaxe e do que puidemos coñecer desta experiencia de xestión da fauna salvaxe tan distinta da galega.

  8. Frisoa

    As granxas de Galiza perderon 66 millóns de euros en 2018 por cobrar o leite por baixo da media europea

    24 de Xaneiro do 2019 · 

    O diferencial existente entre o prezo medio do leite na Unión Europea e na Galiza supuxo para as nosas granxas unhas perdas de 66 millóns de euros en 2018, o que dá unha media de 5'5 millóns de euros por mes. Isto acontece por termos un dos prezos máis baixos da UE, cunha media de 31'9 céntimos en novembro de 2018, segundo os últimos datos publicados polo Fondo Español de Garantía Agraria (Fega).

  9. Ramon Bilbao

    Cinco grandes adegas acapararon o 43% das axudas á reestruturación do viñedo na Galiza de 2018

    22 de Xaneiro do 2019 · 

    O Diario Oficial de Galicia (DOG) publicaba a resolución das axudas aos plans de reestruturación e reconversión da viña en Galicia o pasado 15 de xaneiro. Tras unha primeira análise temos que concluír que, do mesmo xeito que na pasada convocatoria destas subvencións, son as grandes adegas as grandes beneficiadas en detrimento das pequenas e dos viticultores e viticultoras. De novo, A Rioxa levou un bo anaco do pastel.

  10. Ramón Muñiz

    Unhas palabras sobre Ramón Muñiz de las Cuevas

    21 de Xaneiro do 2019 · 

    por Xosé Ramón Cendán

    O 30 de novembro, deixou de estar entre nós Ramón Muñiz, Marcelo. Na argumentación patriarcal, hai aquel dito de que detrás de cada home triunfador hai unha gran muller. Ramón é un caso aparte. El contribuía a mellorar outros líderes e deixaba para eles os aplausos. Ramón Muñíz de las Cuevas é unha desas persoas que sementou moito na súa vida. E, desas sementes, saíron moitas colleitas.

  1. 1
  2. 2
  3. Seguinte

Arquivo