Agardando que o servizo de Correos no rural estea saturado por mor das eleccións municipais e europeas e que o Fouce 325 poida sofrer atrasos na súa chegada ás casas, adiantámosvos aquí os seus contidos. Destacadas en portada, a campaña para esixir solucións ao problema da fauna salvaxe a entrada de Sonia Vidal no Comité Coordinador da ECVC, a chegada da marca "C'est qui le patron?!” a Galiza ou a lectura pública da Declaración de Dereitos Labregos.
Tamén dedicamos espazos a temas como á xornada de horta de Lourenzá, as obrigas da Lei de Montes, a posta en marcha das xornadas de granxas abertas ou o traballo da Asociación As Berenguelas coas mulleres do rural de Culleredo. Rematamos cunha entrevista na contraportada a Esther Teijeiro, muller pioneira no mundo do viño galego que inscribiu a primeira adega na Ribeira Sacra ou que certificou o primeiro viño ecolóxico galego. #Fouce325
Podes descargar un exemplar en pdf na icona que atoparás no remate desta páxina.