A Soberanía Alimentaria, garantía de futuro

Menú Principal

Menú de Destacados

Medio Ambiente

  1. O SLG apoia a manifestación do domingo contra a Lei de Depredación por deixar sen protección a nosa agricultura

    Mani contra LFIIE 18 de Outubro do 2017 · 

    O Partido Popular aprobou onte, 17 de outubro, a Lei de Fomento das Iniciativas Empresariais (LFIIE), máis coñecida como Lei de Depredación de Galiza, que elimina de golpe unha grande cantidade de ferramentas legais coas que a cidadanía podía defenderse do impacto negativo de actividades empresariais nocivas e negativas para o medio ambiente e a vida das persoas.

  1. Alegacións San Rafael

    A mina de San Rafael pon en risco directo a vida de máis de duascentas persoas nos concellos do Pino e en Touro

    4 de Outubro do 2017 · 

    Unha comitiva de veciños e veciñas de Touro e da plataforma contraMINAcción acudiu, o 3 de outubro, até o Rexistro Xeral da Xunta de Galicia para facer entrega de 500 alegacións contra o proxecto da mina de San Rafael, que afecta unha ampla zona dos termos municipais de Touro e O Pino.

  2. Non á minaría

    contraMINAcción chama ás organizacións sociais de Galiza para paralizar o proxecto de Lei de Fomento Empresarial

    14 de Septembro do 2017 · 

    Esta semana, os grupos políticos da oposición no Parlamento de Galicia mantiveron unha xuntanza para analizar o contido do proxecto de Lei de Fomento das Iniciativas Empresariais impulsado polo Partido Popular. A esta xuntanza asistiron representantes de contraMINAcción, plataforma na que está integrado o Sindicato Labrego Galego, e puideron coñecer as graves repercusións que podería ter para Galiza a aprobación deste proxecto.

  3. Plataforma STOP Velutina

    A Plataforma STOP Velutina insta á Xunta a afrontar con medios suficientes a loita contra a avespa asiática

    31 de Maio do 2017 · 

    O 30 de maio, a Plataforma STOP Velutina, integrada por unha trintena de colectivos e organizacións entre as que se atopa o SLG, rexistrou un escrito dirixido ás consellarías de Medio Ambiente e Medio Rural reclamando a súa implicación na loita contra a avespa velutina, unha especie exótica invasora que ten en xaque os sectores apícola e froiteiro da Galiza e que representa unha auténtica ameaza para a seguridade cidadá.

  4. Alegacións Xanceda

    O SLG e a veciñanza de Xanceda presentan máis de 200 alegacións contra a extracción de seixo na parroquia

    18 de Abril do 2017 · 

    Unha comitiva en representación da veciñanza de Xanceda e o Sindicato Labrego Galego achegáronse, o 17 de abril, até a Casa do Concello de Mesía para presentar as alegacións contra o proxecto Xanceda 7138 co que a empresa Erimsa pretende extraer cuarzo metalúrxico nunha concesión de 781 hectáreas. En total, e tralo acto de hoxe, lévanse rexistradas 217 alegacións; dado que o prazo de presentación remata aínda o vindeiro mércores, as estimacións apuntan a que se presentarán, finalmente, máis de 250 alegacións.

  5. Erimsa Ordes

    Xa temos os modelos de alegación para presentar contra os proxectos da empresa mineira Erimsa en Xanceda

    6 de Abril do 2017 · 

    O equipo xurídico do SLG vén de redactar dous modelos de alegación para presentar aos proxectos que a empresa mineira Erimsa pretende levar a cabo en Xanceda (Mesía). Se estás interesad@ en presentar alegacións, ten en conta que o prazo remata o 18 de abril. Para facilitarche os trámites estaremos este xoves e este venres, 6 e 7 de abril, de 19:00 a 21:00 horas, en Casa Mosquera (Xanceda) para asesorar e recoller as alegacións. Despois, até que se peche o prazo, poderedes pasar tamén pola nosa oficina de Ordes (rúa Alfonso Senra 117; teléfono 981 682 908).

  6. Margarida Prieto Ledo

    Da Terra Chá a Ordes: unha década de loita contra Erimsa

    5 de Abril do 2017 · 

    Artigo de opinión escrito por Margarida Prieto Ledo, coordinadora comarcal do SLG na Terra Chá. Neste texto, a nosa compañeira dá un repaso aos dez anos de loita que levan na Terra Chá contra as intencións de Erimsa de extraer seixo, e compara o conflito chairego co que vén de esbourar agora na comarca de Ordes.

  7. Maria Vieites e Margarida Prieto

    Os proxectos da mineira norueguesa Erimsa ameazan 200 granxas e 500 empregos directos na comarca de Ordes

    18 de Marzo do 2017 · 

    O Sindicato Labrego Galego ofreceu, o 17 de marzo, unha rolda de prensa para denunciar os proxectos de extracción de seixo (cuarzo metalúrxico) que a empresa norueguesa Erimsa pretende levar a cabo nos municipios de Frades, Mesía, Oroso e Ordes.

  8. Escrito Valedora Pobo

    O SLG leva Industria á Valedora do Pobo por negarse a declarar a caducidade das concesións a Erimsa

    16 de Febreiro do 2017 · 

    A equipa xurídica do Sindicato Labrego Galego vén de redactar e rexistrar unha queixa formal diante da Valedora do Pobo pola falla de resposta da Consellaría de Industria diante da petición expresa de declarar as caducidades das concesións mineiras Pastoriza 5562, Alicia 5917 e Karles 5919.

  9. Lugo de cara ao Miño

    O SLG solidarízase coas persoas denunciad@s por INCA e apoia as accións convocadas por Lugo de cara ao Miño

    18 de Xaneiro do 2017 · 

    O Sindicato Labrego Galego apoia a concentración convocada por “Lugo de cara ao Miño” para o 20 de xaneiro diante dos Xulgados de Lugo; ao tempo que se solidariza coas tres persoas -Lola, Lois e Miguel- denunciadas pola empresa INCA, adxudicataria da explotación hidroeléctrica da Fábrica da Luz, por un suposto delito leve de coacción.

  10. Margarida Prieto

    O SLG pide unha xuntanza en Minas para reclamar a caducidade das concesións a Erimsa na Terra Chá

    16 de Decembro do 2016 · 
    A coordinadora do Sindicato Labrego Galego na Terra Chá, Margarida Prieto Ledo, vén de solicitar hoxe, 15 de decembro, unha xuntanza co persoal responsábel da Dirección Xeral de Enerxía e Minas para aclarar os motivos polos que a Consellaría de Economía, Emprego e Industria non declara as caducidades das concesións mineiras a Erimsa en concellos como A Pastoriza, Cospeito, Castro de Rei, Abadín, Riotorto e Vilalba.

Arquivo