A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Gandería

Gandería

  1. SLG e AGA esixen unha etiquetaxe transparente para o mel de cara a evitar a venda fraudulenta de produtos foráneos

    Concentración apícola 11 de Decembro do 2018 · 

    A Coordinadora de Organizacións Agrarias e Gandeiras (COAG) organizou unha campaña de accións en 18 cidades do Estado para denunciar a normativa que regula a etiquetaxe do mel, por amparar a fraude e prexudicar directamente o mel de calidade dos nosos apicultores e das nosas apicultoras.Na Galiza, fomos o Sindicato Labrego Galego e a Asociación Galega de Apicultura as organizacións encargadas de secundar esta mobilización, cunha concentración no Centro Comercial As Cancelas, en Compostela. De seguido, compartimos con vós o manifesto:

  2. SLG e AGA farán unha protesta o 11 de decembro en Compostela en defensa do noso mel

    Mel COAG 5 de Decembro do 2018 · 

    O sector apícola da Coordinadora de Organizacións Agrarias e Gandeiras (COAG), da que forma parte o Sindicato Labrego Galego, organizou unha serie de mobilizacións para o 11 de decembro en Almería, Córdoba, Guadalaxara, Xaén, As Palmas, Logroño, Málaga, Menorca, Murcia, Oviedo, Pamplona, Salamanca, Santander, Santiago de Compostela, Sevilla, Tenerife, Valencia e Zaragoza, para denunciar os abusos da industria do mel a produtores e produtoras, por unha banda, e ás persoas que consumen, por outra.

  3. Alarma no sector de vacún na Galiza por positivos de tuberculose en granxas sen problemas sanitarios

    Cutímetro 23 de Novembro do 2018 · 

    Nos últimos tempos, na Galiza estamos asistindo á aparición de positivos por tuberculose en granxas que tiñan unha cualificación sanitaria óptima e que, dende hai anos, non introduciran animais de fóra. Isto, fixo que o Sindicato Labrego transmitise a súa preocupación aos servizos de Sanidade Animal e, ao pouco, organizase en Vilalba unha palestra informativa, a comezos de outono, na que participou Xosé Fraga Martínez, xefe de área do Servizo de Gandería na Terra Chá.

  1. Razas autóctonas Galiza

    A aposta polas razas de gando autóctonas ten premio

    11 de Xullo do 2018 · 

    O pasado 7 de xuño, no marco da 41ª Feira Semana Verde de Silleda, celebráronse varios concursos para premiar os mellores exemplares de razas galegas en perigo de extinción. En concreto, houbo competición en razas bovinas como Cachena, Caldelá, Frieiresa, Limiá e Vianesa; e tamén en Porco Celta e Galiña de Mos. Máis alá do gando, tamén houbo certame de cans de palleiro. Cadrou que, nesta ocasión, houbo cinco afiliados do Sindicato Labrego Galego que foron galardoados.

  2. Vacún de carne SLG

    A Dirección de Vacún de Carne do SLG prepara unha campaña para traballar na dignificación do sector

    14 de Maio do 2018 · 

    O pasado 19 de abril, o grupo de traballo da Dirección da Carne mantiña unha xuntanza en Compostela na que un dos principais temas trabados foi o deseño dunha campaña para poñer este sector no centro da axenda do Sindicato Labrego Galego.

  3. Vaca UE

    Galiza perdeu máis de 1.500 granxas lácteas dende a fin das cotas e segue a ter un dos prezos máis baixos de Europa

    4 de Abril do 2018 · 

    Co remate da campaña 2017-2018 no sector lácteo, cúmprense tres anos dende que desapareceu o sistema de cotas lácteas. Polo medio, tivemos unha das peores crises de prezos que se recordan e pecharon máis de 1.500 granxas: das 9.484 explotacións en activo que había en abril de 2015, pasamos ás 7.967 que contabilizaron os últimos datos do sector, correspondentes a xaneiro de 2018.

  4. Polos

    12 de abril, xornada sobre "Viabilidade da comercialización de aves e coellos das granxas artesanais"

    27 de Marzo do 2018 · 

    O 12 de abril, o Pazo de Mariñán (Bergondo) acollerá unha xornada sobre “Viabilidade da comercialización de aves e coellos das granxas artesanais a través de espazos de sacrificio colaborativos”. Interesante iniciativa que abordará unha das fases máis dificultosas para as granxas de aves e coellos e, ao mesmo tempo, das que máis potencial e futuro teñan para as explotacións avícolas e cunícolas familiares: o sacrificio na propia granxa e a comercialización directa da carne. Para inscribirte, tes que chamar ao 686 783 800 ou enviar un email cos teus datos a arrexo4@gmail.com Podes descargar o programa na seguinte icona.

  5. Celega

    Celega anuncia baixadas no prezo do leite e rescisións de contratos pese a ingresar 354.000 € en subvencións

    3 de Marzo do 2018 · 

    Celega, industria láctea do Saviñao propiedade da Cooperativa Lemos e de Cooperativas Reunidas de Bergantiños (Coreber), está anunciando ás granxas ás que lles merca o leite importantes modificacións nos novos contratos que están a piques de renovarse para a vindeira campaña. Os novos contratos incluirán, polo que xa puidemos saber, deixar de recoller parte da produción a algunhas granxas e baixar o prezo en parte do leite. Nos peores casos, sabemos de explotacións ás que se lles comunicou que deixarán de recollerlles a produción.

  6. What is my future

    A Dirección do Leite do SLG denuncia a parálise da Xunta diante dos baixos prezos e o decreto de xurros

    7 de Febreiro do 2018 · 

    Tras reunirse, a Dirección do Leite do Sindicato Labrego Galego vén de expresar a súa fonda preocupación polos últimos datos sobre o sector publicados polo Fondo Español de Garantía Agraria (FEGA), correspondentes a decembro de 2017, que reflicten o estancamento duns prezos que, na Galiza, seguen a ser os peores do Estado xunto cos de Baleares (32'2 céntimos por litro, 1 céntimo menos que a media estatal) e continúan a estar moi por baixo da media europea (37'76 céntimos).

  7. Lactalis

    O Sindicato Labrego Galego insta á Consellaría de Medio Rural a actuar diante da inminente caída do prezo do leite

    16 de Xaneiro do 2018 · 

    Nas conversas entre transportistas e os gandeiros e gandeiras que producen leite na Galiza, xa se está a estender o rumor de que nesta primavera volverán caer os prezos do leite. Trátase dunha práctica que vén de vello na que os choferes dos camións cisterna das industrias van afacendo a produtores e produtoras á idea de que a caída do valor do leite é algo inevitable que acontecerá si ou si.

  8. Vacas frisoas

    Medio Rural e Agricultura substitúen a política leiteira por propaganda para maquillar os peores prezos da UE

    9 de Xaneiro do 2018 · 

    Nun alarde de optimismo, a Consellaría de Medio Rural comezaba o ano 2018 publicando un comunicado no que se xactaba de que Galiza era “a comunidade española na que máis medrou o prezo dende novembro de 2015”, enfeitando a aseveración cunha morea de cifras e mesmo atrevéndose a sacar peito na cuestión dos valores lácteos ao dicir que nese aumento quedamos por riba de comunidades veciñas Asturias ou Cantabria.

  9. Congreso do Leite

    O SLG celebra o seu Congreso do Leite nun contexto no que Galiza perde 10'66 millóns ao mes polos baixos prezos

    16 de Decembro do 2017 · 

    O Sindicato Labrego Galego celebrou, o 15 de decembro, o seu Congreso do Leite en Ordes (A Coruña), onde a gandeira vilalbesa Lupe Prado foi reelixida responsábel do sector. A Dirección do Leite do SLG saínte deste congreso, cuxos membros foron elixidos en asembleas comarcais que se celebraron nas últimas semanas por toda a xeografía galega, terá entre as primeiras tarefas da súa axenda nomear catro representantes provinciais que apoiarán a Lupe Prado no día a día das súas responsabilidades sindicais.

  10. xosé María Vilaverde

    Xosé María Vilaverde: "Cando fun á oficina agraria dicir o que quería facer, dixéronme que era imposible”

    4 de Decembro do 2017 · 

    A Quinta da Vacaloura é unha granxa ecolóxica da parroquia de Naraío (San Sadurniño) onde Xosé María Vilaverde, paseniño, vai construíndo, xunto coa súa familia, un medio de vida que non ten moito que ver coa súa formación académica-Ciencias Políticas, Xestión de Cooperación Internacional e ONGs- pero si coa súa conciencia e compromiso co entorno, o planeta e ideas como a soberanía alimentaria.

Arquivo