A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Secretaría da muller>
  4. Comunicado da Vía Campesina no 25 de novembro, Día Internacional contra as Violencias Machistas

Comunicado da Vía Campesina no 25 de novembro, Día Internacional contra as Violencias Machistas

25 de Novembro do 2015

Via Campesina contra as violencias machistas

(Harare 25 de novembro de 2015) Este 25 de novembro, Día Internacional contra a Violencia cara ás Mulleres, a Vía Campesiña convoca unha xornada de mobilización co desafío de afondar en novas formas de resistencia e de loitas para romper co silencio do sistema capitalista e patriarcal, que atenta contra a vida das mulleres, que cousifica, que explota, que desposúe, que crea guerras e militariza territorios. É urxente construír novas relacións humanas baseadas na xustiza de xénero e na igualdade de dereitos.

Neste contexto, a Vía Campesina reafírmase na súa campaña mundial “Basta de Violencia contra as Mulleres”. Esta campaña iniciouse en 2008 pensada como unha ferramenta tanto para o debate e a formación no interior do movemento labrego, como para denunciar diante do resto da sociedade a violencia estrutural que ameaza as mulleres en todo o mundo.

As violencias, en plural

A violencia maniféstase en todas as esferas da vida -a nivel físico, psicolóxico, económico e político-, e acaba reproducíndose no cotián como algo natural. Por iso, neste 2015, dende a Vía Campesina alzamos a nosa voz para rexeitar toda forma de violencia e opresión, á vez que alertamos sobre o incremento de feminicidios en todo o mundo. Con moita indignación e rabia vemos como as condicións históricas actuais dadas no sistema capitalista e patriarcal xeran prácticas sociais que permiten atentados contra a vida das mulleres, tanto da cidade como do campo, sen importar a clase social, idade e orientación sexual.
A unha sociedade capitalista e patriarcal onde se normaliza a violencia e se cousifica o corpo das mulleres, súmanse as ausencias legais e a falta de políticas públicas, o cal xera unha convivencia insegura para as mulleres, que pon en risco a súa vida e favorece a impunidade e o silencio. Estannos matando!

É así que nesta xornada chamamos ás nosas organizacións, ás nosas aliadas da Marcha Mundial das Mulleres, e aos nosos amigos e amigas, para podermos visibilizar de xeito colectivo todas as formas de violencia e opresión que padecen as mulleres, coa perspectiva de acumular forzas que potencien os esforzos colectivos e esperanzas para a construción dunha nova sociedade baseada na xustiza xénero e na dignidade dos pobos.

Contra a violencia machista no campo