A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Secretaría da muller>
  4. Obradoiros da Secretaría das Mulleres en varias comarcas galegas para coñecérmonos as labregas

Obradoiros da Secretaría das Mulleres en varias comarcas galegas para coñecérmonos as labregas

25 de Outubro do 2016

Obradoiro mulleres arzúa

A Secretaría das Mulleres vén de iniciar unha serie de obradoiros dirixidos a labregas que, ao longo deste outono, irán desenvolvéndose en diversas localidades de Galiza baixo a coordinación da técnica responsábel do Punto Delas, Rebeca Raso. O primeiro dos cursos celebrouse en Arzúa, o pasado 26 de setembro, baixo o título “Somos máis que corpo-máquina”.

Segundo explicou Rebeca, “neste obradoiro de Arzúa tratamos de reconectar os sentidos e a razón para mellor vivir. Foi un primeiro encontro doutros que pretendemos facer nesta zona”
Os cursos tiveron continuidade en Muxía, o 13 de outubro, cun titulado “Do local ao global: Onde están as mulleres?”. A semana que vén, o 31 de outubro, tocaralle á vila d’A Estrada, o 31 de outubro, cun obradoiro no que se tentará responder á pregunta: “Por que se rebelan as mulleres?”. Dentro da programación, agora mesmo hai previstas actividades semellantes en Betanzos (27 de outubro), Teixeiro (14 de novembro), Chantada (17 de novembro) e O Rosal (2 de decembro).
Se estás interesada en inscribirte nalgún destes obradoiros ou saber máis deles, ponte en contacto coa oficina do SLG na túa comarca e infórmate.
Curso mulleres arzúa Obradoiro labregas arzúa