A Soberanía Alimentaria, garantía de futuro

Menú Principal

Menú de Destacados

  1. Portada>
  2. Novas>
  3. Medio Ambiente e Montes>
  4. SLG e Aperfasa convocan unha manifestación conxunta o 8 de maio para esixir solucións aos danos da fauna salvaxe

SLG e Aperfasa convocan unha manifestación conxunta o 8 de maio para esixir solucións aos danos da fauna salvaxe

9 de Abril do 2019

SLG Asperfasa

O Sindicato Labrego Galego e a Asociación de Prexudicados pola Fauna Salvaxe (Aperfasa) fixeron público, o 8 de abril, un acordo de colaboración para demandar solucións aos danos da fauna salvaxe na Galiza e anunciaron unha manifestación conxunta para o día 8 de maio. Desta maneira, o SLG suspende a convocatoria de protestas que tiña prevista para esta mesma semana, o 11 de abril.

O anuncio foi feito nunha rolda de prensa en Lugo na que participaron, por parte do SLG, a súa secretaria xeral, Isabel Vilalba Seivane, e o técnico especialista en fauna salvaxe, Brais Álvarez; e, por parte de Aperfasa, o seu secretario, Andrés Saavedra, e o seu presidente, José Antonio Muíño.

Dende o Sindicato Labrego Galego, seguimos a defender as demandas que xa fixemos públicas o 25 de marzo para solucionar esta problemática que afecta en especial ás actividades agrogandeiras e forestais. (Consultar AQUÍ)

SLG e Asperfasa tamén acordamos establecer contactos con diferentes organizacións do sector agrario e gandeiro e varios encontros de traballo para acordar unha táboa reivindicativa común que se fará pública antes da manifestación do 8 de maio.

SLG Asperfasa